Լավրովը վստահեցրել է՝ ՌԴ–ի և Իրանի միջև ռազմավարական գործընկերության համաձայնագիրը որևէ երկրի դեմ չէ
1 րոպեի ընթերցում
Իրանի և Ռուսաստանի միջև առաջիկայում սպասվող համապարփակ ռազմավարական գործընկերության համաձայնագիրը որևէ երկրի դեմ չէ:
«Արմենպրես»-ի հաղորդմամբ՝ այս մասին IRNA–ին ասել է Ռուսաստանի արտաքին գործերի նախարար Սերգեյ Լավրովը:
«Այս համաձայնագիրը, ինչպես Կորեայի հետ մեր համաձայնագիրը, ուղղված չէ որևէ երկրի դեմ, կառուցողական է՝ ուղղված Ռուսաստանի և Իրանի կարողությունների ամրապնդմանը աշխարհի տարբեր մասերում, տնտեսությունն ավելի լավ զարգացնելու, սոցիալական հարցերը լուծելու և հուսալի պաշտպանունակություն ապահովելու կարողությունների զարգացմանը»,–ասել է Լավրովը:
Հունվարի 17-ին կկայանան ՌԴ նախագահ Վլադիմիր Պուտինի բանակցությունները Իրանի նախագահ Մասուդ Փեզեշքիանի հետ, որը պաշտոնական այցով կժամանի Ռուսաստան: Բանակցությունների ավարտից հետո Պուտինը և Փեզեշքիանը կստորագրեն պայմանագիր ՝ Ռուսաստանի և Իրանի միջև համապարփակ ռազմավարական գործընկերության մասին: