1 րոպեի ընթերցում
Մոր և մանկան առողջության պահպանման առումով Հայաստանում գրանցվել է մեծ առաջընթաց. թե՛ մայրական, թե՛ մանկական մահացության դեպքեր նվազել են:
«Արմենպրես»-ի փոխանցմամբ՝ այս մասին 2024-ի աշխատանքներն ամփոփող ասուլիսի ժամանակ հայտնեց ՀՀ առողջապահության նախարար Անահիտ Ավանեսյանը՝ նշելով, որ այս ուղղությամբ 2024 թվականին բավական մեծ աշխատանքներ են իրականցվել:
Նախարարի խոսքով՝ առաջիկայում այս մասով կամփոփվեն և կներկայացվեն արդյունքներն ու ձեռքբերումները:
«Երբ այդ թվերը ներկայացվեն, ինքներդ էլ կտեսնեք մոր և մանկան առողջության պահպանման ուղղությամբ բարելավումները, ինչն ամենակարևոր ձեռքբերումն է:
Ունենք նաև վերարտադրողական օժանդակ տեխնոլոգիաների ծրագրի ընդլայնում, ինչի արդյունքում նախորդ տարի ծնունդների մեծ թիվ ենք գրանցել: Ինչպես նաև երկրորդային անպտղությանն ենք արդեն անդրադառնում, ինչը կարող եմ ասել, որ զարգացած երկրների համար նույնպես համարվում է բավական շռայլ ծրագիր: Մենք հասկանում ենք, որ Հայաստանի դեմոգրաֆիական խնդիրներին արձագանքելու և ռազմավարության շրջանակներում արդյունքի հասնելու համար այս ծրագիրը չափազանց կարևոր է»,- ասաց Ավանեսյանը: