1 րոպեի ընթերցում
Գեղարքունիքի մարզի Գավառ համայնքում մեկնարկել է 2025 թվականի ձմեռային զորակոչը։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմից, նորակոչիկներին Հայոց բանակի շարքերը համալրելու կապակցությամբ շնորհավորել և բարեմաղթանքի խոսքեր են հղել Գեղարքունիքի մարզպետի տեղակալ Ջանիկ Բազեյանը, ՀՀ ՊՆ զորակոչային և զորահավաքային համալրման ծառայության Գեղարքունիքի տարածքային ստորաբաժանման ղեկավար Արմեն Մնացականյանը, Գավառ համայնքի ղեկավարի տեղակալ Գրիգոր Բոշյանը։
Գավառի Սուրբ Աստվածածին եկեղեցում նորակոչիկները ստացել են Գեղարքունյաց թեմի հոգևոր դասի օրհնությունը։
Ձմեռային զորակոչը Գեղարքունիքի մարզոմ կշարունակվի մինչև հունվարի 31-ը։