3 րոպեի ընթերցում
ԱՆՈՆՍ
10 հունվար, 2025
ՀՀ ԱԺ
Ժամը 11:00-ին Ազգային ժողովի 314 դահլիճում կկայանա Պետական-իրավական հարցերի մշտական հանձնաժողովի նիստը:
ՀՀ նախարարություններ
Ժամը 13:00-ին Շրջակա միջավայրի նախարարության նիստերի դահլիճում /Կառավարության 3-րդ մասնաշենք, 5-րդ հարկ/ տեղի կունենա նախարար Հակոբ Սիմիդյանի մամուլի ասուլիսը։ Նախարարը կամփոփի նախարարության 2024 թվականի գործունեության արդյունքները և ոլորտում իրականացված բարեփոխումները։
Պետական կառույցներ
Ժամը 10:30-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանի ասուլիսը: Թեմա. ՀՀ քաղաքաշինության, տեխնիկական և հրդեհային անվտանգության տեսչական մարմնի 2024 թվականի աշխատանքները։
Ժամը 11:00-ին ՀՀ միջուկային անվտանգության կարգավորման կոմիտեն (Տիգրան Մեծի 4, 5-րդ հարկ) կազմակերպում է մամուլի ասուլիս՝ 2024 թվականին կատարված աշխատանքների վերաբերյալ։
Ժամը 15:30-ին ՀՀ առողջապահական և աշխատանքի տեսչական մարմնում /Շենգավիթ, Արարատյան 26/ կկայանա Տեսչական մարմնի ղեկավար Սլավիկ Սարգսյանի՝ 2024 թվականին կատարած աշխատանքներն ամփոփող մամուլի ասուլիսը։ Հեռ. (010) 65-03-05, թեժ գիծ. 81-07:
Մամուլի ակումբներ
Ժամը 11:00-ին Մեդիա կենտրոնում տեղի կունենա քննարկում՝ «7-ժամյա աշխատանքային օրը կբարձրացնի՞ կյանքի որակը՝ չվնասելով տնտեսությանը» թեմայով։ Բանախոսներ՝ ՀՀ աշխատանքի և սոցիալական հարցերի նախարարի տեղակալ Ռուբեն Սարգսյան, Հայաստանի արհմիությունների կոնֆեդերացիայի նախագահ Էլեն Մանասերյան: ՀՀ աշխատանքի և սոցիալական հարցերի նախարարությունը «Հայաստանի Հանրապետության աշխատանքային օրենսգրքում փոփոխություններ և լրացում կատարելու մասին» օրենքի նախագծով առաջարկում է կրճատել աշխատաժամանակի տևողությունը՝ դարձնելով օրական 8-ից 7 ժամ, շաբաթական՝ 40-ից 35՝ պահպանելով աշխատավարձը։
Ժամը 13:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս. «Բաքվի վերջնագիրը և Երևանի արձագանքը. ի՞նչ է սպասում տարածաշրջանին» թեմայով: Մամուլի կենտրոնում իր տեսակետը կներկայացնի քաղաքական վերլուծաբան, «Դեմոկրատական այլընտրանք» կուսակցության առաջնորդ Սուրեն Սուրենյանցը։