Հայաստան է ժամանել Իրանի ազգային անվտանգության գերագույն խորհրդի քարտուղարը

ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ։ Իրանի Իսլամական Հանրապետության ազգային անվտանգության գերագույն խորհրդի քարտուղար Ալի Աքբար Ահմադիանը հունվարի 8-ին Հայաստան է ժամանել:

Ինչպես «Արմենպրես»-ը տեղեկանում է Հայաստանի անվտանգության խորհրդի գրասենյակի տարածած հաղորդագրությունից, Երևանի «Զվարթնոց» միջազգային օդանավակայանում գործընկերոջը դիմավորել է ՀՀ ԱԽ քարտուղար Արմեն Գրիգորյանը։

Ավելի վաղ հայտնել էինք, որ Իրանի Իսլամական Հանրապետության ազգային անվտանգության գերագույն խորհրդի քարտուղար Ալի Աքբար Ահմադիանը հունվարի 8-ին կժամանի Հայաստան, հունվարի 9-ին հանդիպումներ կունենա ՀՀ բարձրաստիճան պաշտոնյաների հետ: