3 րոպեի ընթերցում
ԱՆՈՆՍ
27 դեկտեմբեր, 2024
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 11:00-ին Հայոց ցեղասպանության թանգարան-ինստիտուտի գիտաժողովների սրահում տեղի կունենա մեծանուն արևելագետ, պատմաբան Մանվել Զուլալյանին (1929–2012) նվիրված հիշատակի միջոցառում: Միջոցառմանը ելույթ կունենան ՀՑԹԻ գիտաշխատողները։ Ներկաներին իր խոսքը կուղղի Մանվել Զուլալյանի եղբոր թոռը՝ Նարեկ Զուլալյանը, որը նաև ՀՑԹԻ-ին ի պահ կնվիրաբերի Մանվել Զուլալյանի անձնական գրադարանից գրքեր։ +374 10 39 09 81:
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Ժողովրդական երաժշտության և պարի ազգային կենտրոնի տնօրեն Արմեն Սարգսյանի, Ժողովրդական երաժշտության և պարի ազգային կենտրոնի տնօրենի տեղակալ Լուսինե Մելքոնյանի, Ժողովրդական երաժշտության և պարի ազգային կենտրոնի տնօրենի տեղակալ Սամսոն Մելիքյանի, «Ակունք» ազգագրական համույթի ստեղծագործական խմբի ղեկավար, կոմպոզիտոր, կոմիտասագետ Արթուր Շահնազարյանի ասուլիսը: Թեմա․ ժողովրդական երաժշտության և պարի ազգային կենտրոնի աշխատանքների ամփոփում։
Ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Հայաստանի մարմնամարզության հավաքականի գլխավոր մարզիչ Հակոբ Սերոբյանի, Օլիմպիական խաղերի արծաթե մեդալակիր Արթուր Դավթյանի ասուլիսը: Թեմա․ Մարմնամարզության հավաքականի 2024 թվականի արդյունքները․ ամփոփում:
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս. «Ի՞նչ տարի էր 2024-ը հայկական բիզնեսի համար» թեմայով: Ամփոփում ենք տարվա տնտեսական արդյունքները։ Ինչպե՞ս է դասավորվել 2024 թվականը հայկական բիզնեսի համար, ի՞նչ է սպասվում հայրենական բիզնես միջավայրին գալիք տարում, այս մասին զրույց կլինի բիզնես փորձագետ և խորհրդատու Հայկ Մանասյանի հետ։
Մշակույթ
Ժամը 14:00-ին Հայաստանի ազգային գրադարանում /Տերյան 72/ կկայանա Ամանորյա տոնական միջոցառում: Թամանյանական մեծ դահլիճի բեմում կլինեն մեր տաղանդավոր ընթերցողները, ովքեր իրենց ելույթներով կլցնեն մթնոլորտը տոնական ջերմությամբ: Սպասվում են երաժշտական կատարումներ, հետաքրքիր վիկտորինաներ և, իհարկե, անակնկալներ:
Ժամը 15:00-ին Ռուսական արվեստի թանգարանում (պրոֆ. Ա.Աբրահամյանի հավաքածու) կկայանա «ԿՇԵՌՔ» պատմագեղարվեստական ցուցահանդեսի բացման արարողությունը, որտեղ կներկայացվեն Հայաստանի տարբեր թանգարաններից և մասնավոր հավաքածուներից վաղ միջնադարից սկսած մինչև 20-րդ դարի կեսերի կշեռքներ։ Այցելուները հնարավորություն կունենան ծանոթանալու կշեռքի պատմությանը, խորհրդաբանությանը, ձևերին և կիրառման եղանակներին։
Ժամը 19:00-ին Գաֆէսճեան արվեստի կենտրոնի հատուկ միջոցառումների սրահում կկայանա «Հանդիպում արվեստի հետ» 2024 տարվա ամփոփիչ միջոցառումը: