2 րոպեի ընթերցում
ԱՆՈՆՍ
24 դեկտեմբեր, 2024
Պետական կառույցներ
Ժամը 10:00-ին Երեւանի քաղաքապետարանում գումարվելու է Երևան քաղաքի ավագանու 3-րդ նստաշրջանի 4-րդ նիստը:
Ժամը 11:00-ից ՀՀ ԿԳՄՍ նախարարության դահլիճում (Վ.Սարգսյան 3, Կառավարական տուն 2) կանցկացվի «Սպորտի ոլորտում տարվա լավագույնների ընտրություն» մրցույթի քվեարկությունը: Քվեարկությանը ներկայանալ անձը հաստատող փաստաթղթով և լրագրողական բեյջով: Միաժամանակ հայտնում ենք, որ քվեարկության ընթացքից ուղիղ հեռարձակում չի նախատեսվում: Միջոցառումը լուսաբանելու մտադրության դեպքում խնդրում ենք տրամադրել լրագրողի, օպերատորի և/կամ լուսանկարչի անուն-ազգանունը՝ ԿԳՄՍ նախարարություն մուտքն ապահովելու նպատակով: ՀՀ ԿԳՄՍՆ
Ժամը 12:00-ին «Հայոց ցեղասպանության թանգարան ինստիտուտ» հիմնադրամի գիտաժողովների սրահում տեղի կունենա Հայոց ցեղասպանության զոհերի ու վերապրողների փաստագրման և ուսումնասիրության բաժնի ավագ գիտական աշխատող, պատմական գիտությունների թեկնածու Թեհմինե Մարտոյանի «Ցեղասպանության քաղաքականության շարունակությունը Զմյուռնիայում (1922)» խորագրով մենագրության շնորհանդեսը: Շնորհանդեսին ներկա կլինեն Զմյուռնիայի աղետը վերապրածների ժառանգներ: ՀՑԹԻ
Մամուլի ակումբներ
Ժամը 11:00-ին Մեդիա կենտրոնում տեղի կունենա քննարկում՝ «Ընտանեկան բռնության գործով Հայաստանի դեմ ՄԻԵԴ առաջին որոշումը. ի՞նչ է դա նշանակում» թեմայով։ Բանախոսներ՝ ընտանեկան բռնության ենթարկված կին Հասմիկ Խաչատրյան, «Կանանց աջակցման կենտրոն» ՀԿ Ծրագրերի ղեկավար Հասմիկ Գևորգյան, իրավապաշտպան Զառա Հովհաննիսյան:
Մշակույթ
Ժամը 19:00-ին Արամ Խաչատրյան համերգասրահում Երևանի քաղաքապետարանի գլխավոր հովանավորությամբ կկայանա «Մալխաս 80» խորագրով համերգը: