Միացյալ Նահանգներ

ԱՄՆ ռազմածովային ուժերը Կարմիր ծովի վրա սխալմամբ խոցել են սեփական կործանիչը

1 րոպեի ընթերցում

ԱՄՆ ռազմածովային ուժերը Կարմիր ծովի վրա սխալմամբ խոցել են սեփական կործանիչը

ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ ռազմածովային ուժերը հածանավից սխալմամբ խոցել են իրենց ռազմածովային ուժերի F/A-18 կործանիչը: 

«Արմենպրես»-ի հաղորդմամբ՝ այս մասին հայտնում է Associated Press-ը՝ հղում անելով ԱՄՆ կենտրոնական հրամանատարությանը։

«Կիրակի օրը ԱՄՆ ռազմածովային ուժերի  կործանիչ է խոցվել Կարմիր ծովի վրա՝ ակնհայտ «բարեկամական կրակի» հետևանքով»,-ասվում է հաղորդագրության մեջ:

Նշվում է, որ կործանիչը հածանավից «բարեկամական կրակով» է խոցվել Եմենի մայրաքաղաք Սաանային հարվածելու գործողության ընթացքում՝  Կարմիր ծովի վրա:

Երկու օդաչուները, որոնց հաջողվել է ինքնանետվել, թեթեև վնասվածքներ են ստացել:

 

 

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում