8 րոպեի ընթերցում
ԱՆՈՆՍ
20 դեկտեմբեր, 2024
Պետական կառույցներ
Ժամը 12:30-ին Երևանի Խաչքարերի պուրակում (Հանրապետության hրապարակ մետրոյի կայարանին հարակից տարածք) կբացվի «Տարեհաց» խորագրով Ամանորի ուտեստների տոնավաճառը: Բացման արարողությանը ներկա կլինեն ԿԳՄՍ նախարար Ժաննա Անդրեասյանը և նախարարի տեղակալ Ալֆրեդ Քոչարյանը: Միջոցառումն իրականացվում է ՀՀ ԿԳՄՍ նախարարության նախաձեռնությամբ՝ Երևանի քաղաքապետարանի, «Մշակույթի զարգացման հիմնադրամի», «Պատմամշակութային արգելոց-թանգարանների և պատմական միջավայրի պահպանության ծառայություն» և «Հովհաննես Շարամբեյանի անվան ժողովրդական արվեստների թանգարան» ՊՈԱԿ-ների հետ համագործակցությամբ: Տոնավաճառը կգործի դեկտեմբերի 20-30-ը՝ ժամը 12:00-22:00-ը: ԿԳՄՍՆ
Ժամը 15:00-ին «ԻԲԻՍ» հյուրանոցի թեյասրահում /Հյուսիսային պողոտա 5/1, 3-րդ հարկ/ կկայանա ՀՀ փաստաբանների պալատի նախագահի կողմից կազմակերպված թեյախմություն, որը նախատեսված է իրականացնել 2024 թվականի ընթացքում Փաստաբանների պալատի հետ ակտիվ համագործակցություն ունեցած Զանգվածային լրատվական միջոցների ներկայացուցիչների հետ: Շնորհակալ ենք Ձեր խմբագրությանը՝ Փաստաբանական ինստիտուտի համար կարևոր թեմաները լուսաբանելու, փաստաբանական համայնքի հետ կատարած աշխատանքների, Պալատի մամուլի ծառայության հետ ստացված համագործակցության համար: Խնդրում ենք Ձեր խմբագրությունից ներկայացուցչի մասնակցությունը հաստատել հետադարձ նամակով:
Կուսակցություններ, ՀԿ-ներ, միջազգային կազմ-ներ
Ժամը 18:30-ին Մեգերյան կարպետում կկայանա Տուրիզմի հայկական ֆեդերացիայի 20-ամյակին նվիրված միջոցառում։ Խնդրում եմ պատվեք մեզ ձեր մասնակցությամբ։ Խնդրում ենք նաեւ լուսաբանել։
ԲՈՒՀ-եր, կրթական հաստատություններ
Ժամը 10:00-ին Խաչատուր Աբովյանի անվան հայկական պետական մանկավարժական համալսարանում ՀՀ ԿԳՄՍ նախարարության նախաձեռնությամբ կրթության ոլորտի պատասխանատուների մասնակցությամբ կանցկացվի «Կրթությունը սկսվում է ինձանից» խորագրով աշխատաժողովի հանրապետական փուլը՝ նախադպրոցական կրթության ոլորտում տեղի ունեցող բարեփոխումներին, առկա խնդիրներին և դրանց լուծումներին ուղղված քայլերին, ինչպես նաև ժամանակակից մանկավարժական մոտեցումներին հաղորդակից դարձնելու նպատակով: Աշխատաժողովին բացման խոսքով հանդես կգա ՀՀ ԿԳՄՍ նախարարի տեղակալ Արաքսիա Սվաջյանը: Ելույթով հանդես կգան նաև ԿԶՆԱԿ հիմնադրամի տնօրենի ժ/պ Արտաշես Թորոսյանը, Հայաստանում Յունիսեֆի ներկայացուցչի տեղակալ Սիլվիա Մեստրոնին և այլք:
Ժամը 11:00-ին Ավ.Իսահակյանի տուն-թանգարանում /Երևան, Զարոբյան 20/ կկայանա միջոցառում նվիրված «Հանդիպման լավագույն վայրը՝ թանգարան» խորագրով կրթական ծրագրին։ Ծրագիրն իրականացվելու է թանգարանի և ԿԱՊԿՈՒ ապագա զբոսավարների համագործակցության շրջանակում։ ԿԱՊԿՈՒ (Կրթության առանձնահատուկ պայմանների կարիքներ ունեցող) երիտասարդները սովորում են Երևանի հայ-հունական պետական քոլեջում, խորացված օտար լեզուների իմացությամբ զբոսաշրջության ֆակուլտետում։ Երիտասարդները պատրաստել են դասախոսություններ մշակույթի կարևորության, թանգարանների դերի մասին հասարակության զարգացման գործում։ Միջոցառման պատվավոր հյուրն է վարչապետի տիկին Աննա Հակոբյանը։ Խոսնակներ՝ զբոսաշրջության ֆակուլտետի 4-րդ կուրսի ուսանող Գոհար Հարությունյան, զբոսաշրջության ֆակուլտետի 2-րդ կուրսի ուսանողներ. Վահագն Սեմերջյան, Լևոն Հովհաննիսյան: Մուտքն ազատ է:
Ժամը 13:00-ին Հայաստանի ֆիզիկական կուլտուրայի և սպորտի պետական ինստիտուտում (Ալեք Մանուկյան 11) ՄԱԿ-ի կողմից դեկտեմբերի 21-ը հռչակվել է մեդիտացիայի համաշխարհային օր։ Օրվա կապակցությամբ Հայաստանում Հնդկաստանի դեսպանատան հետ համատեղ անցկացվելու է յոգային նվիրված միջոցառում, որին իր մասնակցությունն է հաստատել նաև Հայաստանում Հնդկաստանի դեսպան տիկին Նիլակշի Սահա Սինհան։ +37491463535:
Ժամը 17:30-ին ԵՊՀ գլխավոր մասնաշենքի գիտական խորհրդի նիստերի դահլիճում /Ալեք Մանուկյան 1/ կկայանա ՀՀ կրթության տեսչական մարմնի 2024թ. հաշվետու ամփոփիչ միջոցառումը: Բացման խոսք՝ ՀՀ կրթության տեսչական մարմնի հանրության հետ կապերի բաժնի պետ Վարդուհի Պետրոսյան: Ողջույնի խոսք՝ ԵՊՀ ռեկտոր Հովհաննես Հովհաննիսյան: Հաշվետու ներկայացում՝ ՀՀ կրթության տեսչական մարմնի ղեկավար Վաղարշակ Մատիկյան: Մասնակիցներ՝ ՀՀ վարչապետի աշխատակազմի ղեկավար Արայիկ Հարությունյան /համաձայնեցվում է/, ՀՀ ԿԳՄՍ նախարար Ժաննա Անդրեասյան: 374 10 203027:
Մամուլի ակումբներ
Ժամը 11:00-ին Մեդիա կենտրոնում տեղի կունենա քննարկում՝ «Ի՞նչ է խոստանում զբաղվածության նոր ռազմավարությունը, ինչպե՞ս է այն պայքարելու գործազրկության դեմ» թեմայով։ Բանախոսներ՝ ՀՀ աշխատանքի և սոցիալական հարցերի նախարարի տեղակալ Ռուբեն Սարգսյան, Հայաստանի գործատուների հանրապետական միության նախագահ Վահագն Համբարձումյան, Հայաստանի արհմիությունների կոնֆեդերացիայի նախագահի տեղակալ Տիրուհի Նազարեթյան: ՀՀ ԱՍՀ նախարարությունը մշակել և e-draft.am իրավական ակտերի նախագծերի հրապարակման միասնական կայքում հանրային քննարկման է դրել Զբաղվածության 2025-2031 թթ. ռազմավարական ծրագիրը։
Ժամը 12:00-ին Մեդիա կենտրոնում տեղի կունենա քննարկում՝ «Նոր օրենսդրական միջոցներ՝ ընդդեմ երեխաների սեռական բռնության և շահագործման» թեմայով։ Բանախոսներ՝ ՀՀ ներքին գործերի նախարարության իրավաբանական վարչության պետ Ռուսլան Մարանդյան, երեխաների իրավունքների պաշտպանության միջազգային փորձագետ, իրավաբանական գիտությունների թեկնածու, դոցենտ Դավիթ Թումասյան: ՀՀ ՆԳ նախարարությունը մշակել և e-draft.am իրավական ակտերի նախագծերի հրապարակման միասնական կայքում հանրային քննարկման է ներկայացրել «ՀՀ քրեական օրենսգրքում լրացումներ և փոփոխություն կատարելու մասին» օրենքի նախագիծը:
Ժամը 13:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս: Դեկտեմբերի 23-ին Կամերային երաժշտության տանը տեղի կունենա վերածնված «Արցախ» կամերային նվագախմբի առաջին համերգը։ Նվագախմբի հոգաբարձուների խորհրդի անդամ, օպերային երգչուհի, ՀՀ ժողովրդական արտիստ Հասմիկ Պապյանը և հոգաբարձուների խորհրդի անդամ, թավջութակահար, Հայաստանի վաստակավոր արտիստ, նվագախմբի գեղարվեստական ղեկավար և գլխավոր դիրիժոր Նարեկ Հախնազարյանը մանրամասն կպատմեն, թե ինչպես են վերականգնել նվագախումբը և ինչպես են կրկին հավաքել երաժիշտներին:
Մշակույթ
Ժամը 15:00-ին Հայաստանի ազգային գրադարանի մատենագիտության և գրադարանագիտության բաժնում (Տերյան 72, վարչական մասնաշենք, մուտքը այգու կողմից) տեղի կունենա դասախոսություն՝ նվիրված պոլսահայ լրագրող Հրանտ Դինքի ծննդյան 70-ամյակին։ Պատմական գիտությունների թեկնածու, դոցենտ Նունե Սարումյանը կներկայացնի Հրանտ Դինքի կյանքը և անցած ուղին։ Կցուցադրվեն պարբերական մամուլում հրապարակված նյութեր։