2 րոպեի ընթերցում
ԱՆՈՆՍ
14 դեկտեմբեր, 2024
Կուսակցություններ, ՀԿ-ներ, միջազգային կազմ-ներ
Ժամը 12 :00-ին Կամերային երաժշտության տանը (Ա.Իսահակյան փող.1) կկայանա «staff.am գալա 2024» ամենամյա միջոցառումը։ «Staff.am գալա»-ն HR և բիզնես համայնքի ամենասպասված միջոցառումներից է, որն արդեն 5-րդ անգամ մի հարկի տակ է համախմբելու ՀՀ գործատուներին` հնարավորություն տալով մասը կազմելու ՀՀ բիզնես համայնքի, ամփոփելու անցնող տարվա ընթացքում տեղի ունեցած նշանակալի իրադարձությունները։ «Staff.am գալա 2024»-ը առանձնահատուկ է, քանի որ ի պատիվ մեծն շանսոնյե Շառլ Ազնավուրի հարյուրամյակի անցկացվելու է Կամերային երաժշտության տանն ու ուղեկցվելու է ազնավուրյան սիրված մեղեդիներով՝ Հայաստանի պետական կամերային նվագախմբի կատարմամբ։ Միջոցառման մասնակիցները՝ ՀՀ առաջատար ընկերությունների տնօրեններ, հիմնադիրներ, HR, մարքեթինգի և հարակից ոլորտների ղեկավարներ են, ինչպես նաև մեր մեծ համայնքի ակտիվ անդամները։ mob. +(374 43) 33 06 06:
Մշակույթ
Ժամը 14:00-ին «Զանգակ» գրատան Աբովյան մասնաճյուղում /Աբովյան 7/ տեղի կունենա հայ նշանավոր բանաստեղծ Հովհաննես Գրիգորյանի «Քո առաջին բառերը» մանկական գրքի շնորհանդեսը: Միջոցառման հատուկ հյուրերն են հայտնի դերասաններ Աղասի Մելքոնյանն ու Լիանա Նիկողոսյանը, ովքեր փոքրիկների համար պատրաստել են բեմականացված տիկնիկային ընթերցանություն՝ ներկայացնելով գրքից ընտրված հատվածներ: Հովհաննես Գրիգորյանի մասին: «Էդիթ Պրինտ» հրատարակչություն, հեռ. 091 870131: