4 րոպեի ընթերցում
ԱՆՈՆՍ
13 դեկտեմբեր, 2024
Պետական կառույցներ
Ժամը 09:30-ին ԱԳՆ-ի նախկին շենքի մոտից դեկտեմբերի 13-14-ը ՀՀ առողջապահության նախարարությունը կազմակերպում է երկօրյա արտագնա հանդիպում լրատվամիջոցների ներկայացուցիչների հետ։ Հանդիպման առաջին օրն Առողջապահության նախարար Անահիտ Ավանեսյանը կներկայացնի առողջապահական ծրագրերի 2024թ.-ի արդյունքները: Մասնագետները կներկայացնեն իմունականխարգելման ոլորտում իրականացվող աշխատանքները: Հանդիպման երկրորդ օրը նախարարի տեղակալները կներկայացնեն բարեփոխումները՝ ըստ համակարգման ոլորտների:
Ժամը 10:00-ին Մատենադարանում աշխատանքը կշարունակի «Ընդդեմ ցեղասպանության հանցագործության» 5-րդ Գլոբալ ֆորումը:
Կուսակցություններ, ՀԿ-ներ, միջազգային կազմ-ներ
Ժամը 10:00-ից «Արմենիա Մարիոթ» հյուրանոցի «Տիգրան Մեծ» դահլիճում «Ռազմավարական զարգացման գործակալություն» ՀԿ-ն «Ոլորտների թվայնացում հանուն մրցունակության» (RECONOMY) և «Հայաստանի կենդանի լանդշաֆտները շուկայի զարգացման համար» (LILA) ծրագրերի շրջանակներում կանցկացնի գործընկերների տարեվերջյան միջոցառում։ «Տնտեսական զարգացման խթանում կայուն զբոսաշրջության և թվային լուծումների միջոցով» թեմայով LILA և RECONOMY ծրագրերի համատեղ միջոցառումը նպատակ ունի նպաստելու զբոսաշրջության կայուն զարգացման և թվային փոխակերպման նորարարական մոտեցումների ինտեգրմանը: Նախատեսված են նախարարությունների, միջազգային կազմակերպությունների ներկայացուցիչների ելույթներ։ 077 89 30 11։
Ժամը 10:00-ին «Թուֆենկյան ավանդական Երևան» հյուրանոցում/Հանրապետության 48/ տեղի կունենա Հայաստանի արհմիությունների կոնֆեդերացիայի և Աշխատանքի միջազգային կազմակերպված համատեղ միջոցառման երկրորդ օրը «Կարողությունների զարգացումը բռնի տեղահանված անձանց կարիքների արձագանքման, ոչ ֆորմալ տնտեսությունում աշխատողների կազմակերպման և արհմիություններում ինտեգրման համատեքստում» թեմայով։ Միջոցառման ընթացքում ելույթներով հանդես կգան ԱՄԿ տարածաշրջանային գրասենյակի աշխատողների հարցերով մասնագետ Գոչա Ալեքսանդրիան և ԱՄԿ Եվրոպայի և Կենտրոնական Ասիայի հարցերով բաժնի ղեկավար Սերգեյուս Գլովացկասը։ Հայաստանի արհմիությունների կոնֆեդերացիայի նախագահ Էլեն Մանասերյանը կներկայացնի «ՀԱՄԿ-ի գործողությունների ծրագրի մշակում բռնի տեղահանվածների և ոչ ֆորմալ տնտեսության աշխատողների համար արժանապատիվ աշխատանքի խթանման համար» թեման։
ԲՈՒՀ-եր, կրթական հաստատություններ
Ժամը 09:45-ին Բժշկական մայր բուհում դեկտեմբերի 13-14-ը տեղի կունենա «Սեռական առողջության մուլտիդիսցիպլինարային ասպեկտները» թեմայով միջազգային գիտաժողովը՝ նվիրված ԵՊԲՀ սեքսոպաթոլոգիայի ամբիոնի 25-ամյակին: Գիտաժողովը կրեդիտավորված է, մասնակցությունը՝ անվճար։ Թիրախային լսարան՝ սեքսոպաթոլոգներ, հոգեբույժներ, էնդոկրինոլոգներ, նյարդաբաններ, ուրոլոգներ-անդրոլոգներ, գինեկոլոգներ, կլինիկական հոգեբաններ, ալերգոլոգներ, ընտանեկան բժիշկներ, սրտաբաններ, թերապևտներ: Միջազգային գիտաժողովի մասնակիցներին կշնորհվի 12 տեսական կրեդիտ: