4 րոպեի ընթերցում
ԱՆՈՆՍ
11 դեկտեմբեր, 2024
ՀՀ նախարարություններ
Ժամը 11։30-ին Հայաստանի պատմության թանգարանում տեղի կունենա մամուլի ասուլիս՝ նվիրված «Երեկ և այսоր. Ժակ դը Մորգանի հետքերով» խորագրով միջազգային ցուցադրությանը։
Մամուլի ասուլիսի բանախոսներն են ՀՀ ԿԳՄՍ մշակութային ժառանգության վարչության պետ Աստղիկ Մարաբյանը, Հայաստանի պատմության թանգարանի տնօրեն Դավիթ Պողոսյանը, ՀՀ-ում Ֆրանսիայի դեսպանության մշակույթի և համագործակցության հարցերով խորհրդական, տնօրեն Քսավիե Ռիշարը, Ֆրանսիայի ազգային հնագիտության թանգարանի տնօրեն Ռոզ-Մարի Մուսսոն։
«Երեկ և այսоր. Ժակ դը Մորգանի հետքերով» խորագրով միջազգային ցուցադրությունը կազմակերպվել է ՀՀ կրթության, գիտության, մշակույթի և սպորտի նախարարության և ՀՀ-ում Ֆրանսիայի Հանրապետության դեսպանատան և աջակցությամբ Հայաստանի պատմության թանգարանի և Ֆրանսիայի ազգային հնագիտության թանգարանի համագործակցությամբ:
Առաջին անգամ Ֆրանսիայից Հայաստան են բերվել և Հայաստանի պատմության թանգարանում ցուցադրվելու են ֆրանսիացի անվանի հնագետ Ժակ դը Մորգանի (1857-1924 թթ․) կողմից Ախթալայում 19-րդ դ․ 80-ական թթ․ պեղված բրոնզեդարյան և երկաթեդարյան հինգ ուշագրավ ցուցանմուշներ, որոնք ներկայացված են դեռ 1990-ական թթ․ հայ-ֆրանսիական արշավախմբերի կողմից տարբեր հնավայրերում հայտնաբերված և ՀՀ թանգարաններում պահվող ավելի քան վեց տասնյակ հնագիտական առարկաների համադրությամբ։
Պետական կառույցներ
ժամը 11:00-13:00 Հայոց ցեղասպանության թանգարան-ինստիտուտի գիտաժողովների դահլիճում «Ցեղասպանության հանցագործությունը կանխարգելելու և պատժելու մասին» կոնվենցիայի ընդունման առիթով թանգարան-ինստիտուտը, Հայաստանի հրեական համայնքը և ԵՊՀ ՅՈՒՆԵՍԿՕ-ի «Ցեղասպանությունների և այլ զանգվածային հանցագործությունների կանխարգելում» ամբիոնը կազմակերպում են սեմինար-քննարկում:
Բանախոսներ
Սուրեն Մանուկյան- «Հակասեմիտիզմը մարդկության պատմության մեջ և Հոլոքոստը»
Շուշան Խաչատրյան- «Հայերի հանդեպ ատելությունը. պիտակավորում, ապամարդկայնացում, «դիվայնացում», բռնությունների և սպանությունների ծիսականացում»
Աստղիկ Ստեփանյան- «Ատելության գաղափարախոսությունը ընդդեմ թութսի ժողովրդի և Ռուանդայի ցեղասպանությունը»
Հարցուպատասխան և քննարկում
ԲՈՒՀ-եր, կրթական հաստատություններ
ժամը 11։00-15։00-ն «Արմենիա Մարիոթ» հյուրանոցի «Արարատ» սրահում տեղի կունենա «Կարիերայի նոր հնարավորություններ և հեռանկարներ» խորագրով կարիերայի եզրափակիչ տոնավաճառը, որը կազմակերպվում է Երևանի պետական համալսարանի և Եվրասիա միջազգային համալսարանի գործակցությամբ, Հայկական բարեգործական ընդհանուր միության (ՀԲԸՄ) «Սովորի՛ր և վաստակի՛ր. Արցախ» ծրագրի շրջանակում։
Տոնավաճառի շրջանակում կկազմակերպվեն հանդիպումներ գործատուների և աշխատանք փնտրողների միջև, կանցկացվեն աշխատանք գտնելու հմտությունների զարգացմանն ուղղված կրթական միջոցառումներ և դասընթացներ։
Քնար Միսակյան, ԵՊՀ ռեկտորի օգնական-մամուլի խոսնակ, հեռ․՝ 094 52 52 65, 060 71 01 03