6 րոպեի ընթերցում
ԱՆՈՆՍ
05 դեկտեմբեր, 2024
ՀՀ ԱԺ
Ժամը 10։00-ին կշարունակվի ԱԺ նիստը։
ՀՀ կառավարություն
Ժամը 11։00-ին տեղի կունենա Կառավարության հերթական նիստը։
Պետական կառույցներ
Ժամը 10:30-ին Մատենադարանի գիտական մասնաշենքի Հրաճյա Թամրազյան դահլիճում տեղի կունենա «ՍոլիդԱրտ. ժամանակակից արվեստ և պետական կառավարում» միջազգային համաժողովի պաշտոնական բացման արարողությունը:
Բացման խոսքով հանդես կգան ՀՀ ԿԳՄՍ նախարարի տեղակալ Դանիել Դանիելյանը և գիտաժողովի համապրոդյուսերներ Տաթևիկ Մուրադյանը, Մելիք Կարապետյանը:
Համաժողովի շրջանակում ժամը 19:00-ին Մոսկվա կինոթատրոնի կարմիր դահլիճում տեղի կունենա Սերգեյ Փարաջանովի «Մոռացված նախնիներ ստվերները» (4K թվային վերականգնում 2024) ֆիլմի ցուցադրությունը: Մուտքն ազատ է:
Կուսակցություններ, ՀԿ-ներ, միջազգային կազմ-ներ
Ժամը 14:00-ին Երևանի քաղաքապետարանի շենքի դիմաց տեղի կունենա «Մայր Հայաստան» շարժման առաջնորդ Անդրանիկ Թևանյանի ճեպազրույցը և քաղաքային տրանսպորտի գներին վերաբերող քաղաքացիական նախաձեռնությամբ իրականացված ստորագրահավաքի ամփոփումը։
Ժամը 14։30-ին Երեխաների պաշտպանության կենտրոն հիմնադրամում ( Երևան, Ուլնեցի 64) տեղի կունենա Հայաստանում Ճապոնիայի դեսպանության «Մարդկային անվտանգության ծրագրերի» դրամաշնորհային ծրագրի շնորհիվ և Հայ օգնության ֆոնդի (ՀՕՖ) համաֆինանսավորմամբ նորոգված՝ կենտրոնի հարկաբաժնի վերաբացման պաշտոնական արարողությունը
Միջոցառմանը ներկա են լինելու Հայաստանում Ճապոնիայի դեսպանը, ներկայացուցիչներ ՀՀ Աշխատանքի և սոցիալական հարցերի, Ներքին գործերի նախարարություններից, Երևանի քաղաքապետարանից, միջազգային և տեղական բարեգործական-հասարակական կազմակերպություններից։
Ժամը 18:30 ՀԲԸՄ Հայաստանում (Մելիք Ադամյան 2/2) տեղի կունենա միջոցառում, որի շրջանակում Freedom Academy-ն (Freedom Broker Armenia-ի նախագիծ, Freedom Holding Corporation-ի մաս) և Safe YOU հավելվածը կհայտարարեն գործընկերության մասին՝ նպատակ ունենալով բարձրացնել կանանց ֆինանսական գրագիտությունը Հայաստանում։
Ժամը 18:30-ին Հոլիդեյ Ինն Հանրապետության Հրապարակ հյուրանոցում (Երևան սրահ, Ամիրյան 2) «Հայ կամավորների բանկ» երիտասարդական հասարակական կազմակերպությունը Հայաստանում կամավորության մշակույթի ձևավորման, զարգացման և տարածման նպատակով Կամավորների միջազգային օրը իրականացնելու է «𝑽𝒐𝒍𝑬𝒙: 𝑴𝒚 𝑾𝒂𝒚 𝒕𝒐 𝑺𝒖𝒄𝒄𝒆𝒔𝒔: 𝑰𝒏𝒕𝒆𝒓𝒏𝒂𝒕𝒊𝒐𝒏𝒂𝒍 𝑽𝒐𝒍𝒖𝒏𝒕𝒆𝒆𝒓» միջոցառումը:
VolEx հրավիրյալ խոսնակներ
Սևան Կաբակյան, «Դեպի Հայք»-ի՝ Birthright Armenia-ի գործադիր տնօրեն
Ժաննա Հարությունյան, Գենդերային հավասարության պորտֆելի ղեկավար, ՄԱԿ-ի Զարգացման ծրագիր
Արմինե Հարոյան, Հայ կրթական հիմնարկության գործադիր տնօրեն
Գենյա Պետրոսյան, Իրավունքի զարգացման և պաշտպանության հիմնադրամի տնօրեն
Դավիթ Դիլանյան, Քաղաքական և տնտեսական/առևտրային հարցերի պատասխանատու, Շվեդիայի դեսպանություն
Միջոցառումը համացանցում՝
Միջոցառումը լուսաբանելու համար կխնդրենք գրանցվեք հետևյալ հղումով։
Մամուլի ակումբներ
Ժամը 13:00-ին Մեդիա կենտրոնում տեղի կունենա մամուլի ասուլիս՝ «Հեղինակային իրավունքի խախտումները ԶԼՄ-ներում. «Ֆոտոլուրի» վեճերը» թեմայով։
Բանախոսներ՝
Արա Ղազարյան, փաստաբան, ԶԼՄ-ների էթիկայի Դիտորդ մարմնի անդամ
Աշոտ Մելիքյան, Խոսքի ազատության պաշտպանության կոմիտեի նախագահ
Մելիք Բաղդասարյան, «Ֆոտոլուր» գործակալության տնօրեն
«Ֆոտոլուրը» դիմել է Խոսքի ազատության պաշտպանության կոմիտե՝ իր հեղինակային իրավունքի խախտումների, առանց պատշաճ հղման և պայմանավորվածությունների գործակալության լուսանկարները հրապարակելու բազմաթիվ դեպքերի առնչությամբ։ Իրականացվել է մշտադիտարկում, արձանագրված փաստերի հիման վրա հայցեր կներկայացվեն դատարան։
Ժամը 11:00-ին Մեդիա կենտրոնում տեղի կունենա քննարկում՝ «Իրավիճակը Հալեպում. հայ համայնքի ճակատագիրը. անվտանգության մտահոգություններ և մարդասիրական կարիքներ» թեմայով։
Բանախոսներ՝
Հովհաննես Ալեքսանյան, ՀՀ սփյուռքի գործերի գլխավոր հանձնակատարի գրասենյակի հայրենադարձների ինտեգրման վարչության պետ
Սերգեյ Ղազինյան, Երևանի պետական համալսարանի Եվրոպական ուսումնասիրությունների կենտրոնի մարդու իրավունքների փորձագետ։
Մշակույթ
Ժամը 18.00-ին «Զանգակ» գրատանը (Աբովյան 7) տեղի կունենա Newmag-ի հրատարակած «Առնո Բաբաջանյան. Խորհրդային շրջանի հայկական ռիթմը» գիտական ուսումնասիրության շնորհանդեսը: Խորհրդային միության ամենաազդեցիկ կոմպոզիտորի մասին առաջին անգլալեզու գիտական ուսումնասիրությունը հեղինակել է ճանաչված ջութակահար, գիտնական և մանկավարժ Նունե Մելիքյանը, որը գրքի հրատարակության համար հատուկ ժամանել է Հայաստան:
Բանախոսներ՝
Արամ Սաթյան - կոմպոզիտոր, երգահան, ՀՀ կոմպոզիտորների միության նախագահ
Աննա Ասատրյան - ԳԱԱ Արվեստի ինստիտուտի տնօրեն, արվեստագիտության դոկտոր, պրոֆեսոր
Նունե Մելիքյան - գրքի հեղինակ։