9 րոպեի ընթերցում
ԱՆՈՆՍ
28 նոյեմբեր, 2024
ՀՀ ԱԺ
10:00-ին Ազգային ժողովի 314 սրահում կգումարվի Պետական-իրավական հարցերի մշտական հանձնաժողովի նիստը:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
09:30-ից «Դվին» հյուրանոցում /Պարոնյան 40/ ՀՀ ԷՆ Զբոսաշրջության կոմիտեի նախաձեռնությամբ կազմակերպվում է զբոսաշրջային MICE (Meetings, Incentives, Conferences, Exhibitions) ֆորում, որին հրավիրված միջազգային հինգ փորձագետների մասնակցությամբ կայանալու են պանելային քննարկումներ, ինչպես նաև ինտերակտիվ աշխատարաններ։ +374 99411111:
10:30-ին ՀՀ ԳԱԱ նախագահության նիստերի դահլիճում (Բաղրամյան 24, 2-րդ հարկ) տեղի կունենա «Տարածաշրջանային փոխակերպումները և Հայաստանը. անվտանգային տեղաշարժեր» միջազգային գիտաժողովը։ Այն կազմակերպում է ՀՀ ԳԱԱ արևելագիտության ինստիտուտը՝ Հայագիտական ուսումնասիրությունները ֆինանսավորող համահայկական հիմնադրամի աջակցությամբ։ Գիտաժողովին կմասնակցեն դիվանագիտական, գիտական, կրթական, պաշտպանական կառույցների ներկայացուցիչներ։ Զեկուցումներով հանդես կգան հետազոտողներ ԱՄՆ-ից, Եթովպիայից, Հայաստանից, Սիրիայից։ Անվտանգային տեղաշարժերը Հարավային Կովկասում վերաձևավորվում են Պարսից ծոցը Սև ծովին միացնող Հյուսիս-Հարավ միջանցքի և Կենտրոնական Ասիան Արևմուտքին կապող Միջին միջանցքի մեգածրագրերի իրագործման համատեքստում։ ՀՀ ԳԱԱ
10:30-ին Մատենադարանի գիտական մասնաշենքի Հրաչյա Թամրազյան դահլիճում տեղի կունենա «Միջնադարագիտական 10-րդ միջազգային գիտաժողով»-ի պաշտոնական բացումը: Այս տարի լրանում է Մատենադարանի երիտասարդական գիտաժողովի 10-րդ հոբելյանական տարին։ Այդ կապակցությումբ, ինչպես ավելի վաղ հայտարարվել էր, գիտաժողովն այսուհետև հանդես կգա նոր՝ «Մատենադարանի միջնադարագիտական գիտաժողով» անվանումով: Նոյեմբերի 28-30-ը Մատենադարանում անցկացվող գիտաժողովին կմասնակցեն շուրջ երեք տասնյակ հետազոտղներ հայաստանյան և արտասհամանյան գիտակրթական տարբեր հաստատություններից: Առաջին անգամ գիտաժողովի շրջանակում տեղի կունենա նաև «ՊԱՐԼՕ ՏԷՐ-ՄԿՐՏԻՉԵԱՆ» ամենամյա մրցանակաբաշխությունը: Մրցանակի հիմնադիր և հովանավոր, Ֆրեզնոյի պետական համալսարանի հայագիտական ամբիոնի վարիչ պրոֆ. Պարլօ Տէր-Մկրտիչեան:
15:00-ին Հայոց ցեղասպանության թանգարան-ինստիտուտում տեղի կունենա «Հայոց ցեղասպանության թեմայի կրթական հեռանկարները» միջոցառումը: Ուրուգվայից իր ուսուցչի հետ հատուկ այս նպատակով Հայաստան ժամանած 17-ամյա Ռոմինա Ֆախարդոն միջոցառմանը ներկայացնելու է իր հեղինակած «Ճանաչման և լռության միջև» էսսեն, որը հաղթող է ճանաչվել Ուրուգվայի միջնակարգ դպրոցներում Հայոց ցեղասպանության զոհերի հիշատակի միջոցառումների շրջանակում անցկացված շարադրությունների մրցույթում: Մրցույթի նպատակը, ոգեկոչումից զատ, Հայոց ցեղասպանության թեմայի ուսուցումն է և կրթական նախաձեռնություններով հանդես գալը: Ուրուգվայը, որն առաջինն էր ճանաչել Հայոց ցեղասպանությունը, հետևողական քայլեր է ձեռնարկում նաև Հայոց ցեղասպանության թեմայի դասավանդման ուղղությամբ: Միջոցառմանը ներկա կլինեն հայաստանյան ավագ դպրոցների աշակերտներ և ուսուցիչներ: Ողջույնի խոսքեր՝ «Հայոց ցեղասպանության թանգարան-ինստիտուտ» հիմնադրամի տնօրեն Էդիտա Գզոյան, ՀԲԸՄ հայաստանյան գրասենյակի ղեկավար Վազգեն Յակուբյան, ՀՀ ԿԳՄՍ նախարարության Սփյուռքի հետ կապերի բաժնի պետ Կարեն Մնացականյան: ՀՑԹԻ արտաքին կապերի և լրատվության բաժին, +374 10 39 09 81:
Կուսակցություններ, ՀԿ-ներ, միջազգային կազմ-ներ
10:00-ին ԿԽՄԿ պատվիրակության գրասենյակում (Նաիրի Զարյան 73/3) Հայաստանում Կարմիր խաչի միջազգային կոմիտեի (ԿԽՄԿ) պատվիրակությունը կազմակերպում է դասընթաց լրագրողների համար։ Դասընթացի շրջանակներում կքննարկվեն Ղարաբաղյան հակամարտությանն առնչվող մարդասիրական հիմնախնդիրները և դրանց լուսաբանման առանձնահատկությունները, անհայտ կորած անձանց հարցերով աշխատանքը և այլ օգտակար հարցեր։ Դասընթացի լեզուն հայերենն է։ Դասընթացի տեսական մասն ավարտելուց հաջորդ օրը՝ նոյեմբերի 29-ին, մասնակիցները կմեկնեն լրագրողական շրջայցի Արմավիրի մարզի համայնքներ, որտեղ հնարավորություն կունենան հանդիպելու 2020թ-ի սրացման առնչությամբ անհայտ կորած անձանց ընտանիքներին, նրանց սատարող կառույցներին, այդ թվում՝ տեղական իշխանությունների ներկայացուցիչներին։ Լրագրողական շրջայցին առնչվող ճանապարհածախսը և սննդի ծախսերը կհոգա ԿԽՄԿ-ն։ Վան, Մխիթար, Տաթև: Զառա Ամատունի 099 011 360:
13:30-ից «Opera Suite» հյուրանոցում (Բաղրամյան պող.1-3) Հանրային լրագրության ակումբը և «Հոգեբանների հայկական գիտական միավորում» ՀԿ-ն հրավիրում են մասնակցելու «Մեդիա բովանդակություն ստեղծողների հոգեկան առողջության ապահովման և զարգացման կարևորությունը» թեմայով համաժողովին։ Համաժողովն անցկացվում է «Ինտերնյուսը Հայաստանում» միջազգային կազմակերպության կողմից իրականացվող Հայաստանի մեդիայի զարգացման ծրագրի շրջանակում, որը ֆինանսավորվում է ԱՄՆ Միջազգային զարգացման գործակալության կողմից։ Համաժողովին ներկա կլինեն լրատվամիջոցների, հասարակական, միջազգային կազմակերպությունների, դեսպանատների ներկայացուցիչներ, ոլորտային փորձագետներ։ Հանրային լրագրության ակումբի հաղորդակցության և ծրագրերի համակարգող Հասմիկ Փայտյան 093270808:
14:00-ից «Անի Գրանդ» հյուրանոցի «Արենի» սրահում (Հանրապետության 65) Թրանսփարենսի Ինթերնեշնլ հակակոռուպցիոն կենտրոնը հրավիրում է լուսաբանելու «ՔՀԿ չափիչ Հայաստան 2024» ուսումնասիրության արդյունքների ներկայացումը։ Միջոցառումը կազմակերպվում է «ՔՀԿ չափիչ՝ ի գործ» ծրագրի շրջանակներում, որը ֆինանսավորվում է ԵՄ կողմից՝ աջակցելով քաղաքացիական հասարակության համար նպաստավոր միջավայրի ստեղծմանը Հայաստանում և տարածաշրջանում: (374) 77 52-89-10:
Մամուլի ակումբներ
14:00-ին Sputnik Արմենիա մուլտիմեդիոն մամուլի կենտրոնի միացմամբ տեղի կունենա «ԵԱՏՄ երկրների թվային նախագծերը» խորագրով Մոսկվա-Երևան-Մինսկ-Բիշքեկ տեսակամուրջ։ «Ինչպե՞ս են իրականացվում Եվրասիական զարգացման բանկի թվային նախաձեռնությունների հիմնադրամի աջակցությամբ մշակված նախագծերը: Ինչպե՞ս է օգնում հաշմանդամներին միջազգային վերականգնողական թվային հարթակը: Եվրասիական միության քաղաքացիներին ի՞նչ հնարավորություններ է ընձեռում «Աշխատանք ԵԱՏՄ-ում» հավելվածը», այս մասին տեսակամրջի ընթացքում կպատմեն. Եվրասիական զարգացման բանկի վարչության նախագահի տեղակալ, ԵԶԲ թվային նախաձեռնությունների հիմնադրամի համակարգող Տիգրան Սարգսյանը, բժշկական կիբեռնետիկայի արտադրանքի մշակման ոլորտի փորձագետ Մաքսիմ Գոլովանովը:
Մշակույթ
14:00-ին Հովհաննես Թումանյանի անվան ազգային տիկնիկային թատրոնում տեղի կունենա մամուլի ասուլիս՝ նվիրված «Կողք կողքի» միջազգային ներառական երաժշտական արտ փառատոնին: Այս տարի նշվում է փառատոնի 5-ամյակը: Ասուլիսի բանախոսները կներկայացնեն հոբելյանական փառատոնի շրջանակում իրականացվող ծրագրերն ու միջոցառումները: Բանախոսներ՝ ՀՀ ԿԳՄՍ նախարարի տեղակալ Դանիել Դանիելյան, «Կողք կողքի» միջազգային ներառական երաժշտական արտ փառատոնի ղեկավար Նաիրա Սարգսյան, դիրիժոր Հարություն Արզումանյան, «ArLeAM» ընկերության տնօրեն Լևոն Խաչատրյան: ՀՀ ԿԳՄՍՆ