398.97
Գերմանիայի և Ադրբեջանի ԱԳ նախարարները քննարկել են հայ-ադրբեջանական հարաբերությունների կարգավորման ընթացքը
1 րոպեի ընթերցում
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ։ Բաքվում տեղի է ունեցել Գերմանիայի արտաքին գործերի նախարար Անալենա Բերբոքի և Ադրբեջանի արտաքին գործերի նախարար Ջեյհուն Բայրամովի հանդիպումը։ «Արմենպրես»-ի հաղորդմամբ՝ այս մասին հաղորդագրություն է տարածել Ադրբեջանի ԱԳՆ-ն:
Նշվում է, որ քննարկվել են տարածաշրջանում հետպատերազմյան իրավիճակը, հայ-ադրբեջանական հարաբերությունների կարգավորման ընթացքը և խաղաղության հաստատման գործընթացում առկա խնդիրները։
Հանդիպման ընթացքում նախարարները անդրադարձել են նաև երկկողմ հարաբերությունների զարգացմանը, տնտեսական համագործակցության ընդլայնմանը և էներգետիկայի ոլորտում համատեղ ծրագրերի իրականացմանը։ Բերբոքը կարևորել է Հարավային Կովկասում կայունության և անվտանգության ապահովումը՝ ընդգծելով Գերմանիայի պատրաստակամությունը աջակցելու խաղաղության հաստատման ջանքերին։
Նախարարները քննարկել են նաև տարածաշրջանային ենթակառուցվածքների զարգացման և տրանսպորտային կապերի բարելավման հնարավորությունները, որոնք կարող են նպաստել տնտեսական աճին և համագործակցության խորացմանը։
Հանդիպման ավարտին կողմերը վերահաստատել են իրենց հանձնառությունը շարունակելու երկխոսությունը և համագործակցությունը՝ տարածաշրջանում խաղաղության և կայունության հաստատման ուղղությամբ։
Բաժանորդագրվեք մեր ալիքին Telegram-ում