3 րոպեի ընթերցում
ԱՆՈՆՍ, 21 նոյեմբեր, 2024
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 12:00-ից «Մեգերյան կարպետ» մշակութային համալիրում տեղի կունենա «Հայաստան-Վրաստան. 100% ձեռարվեստ» խորագրով ցուցադրությունը: Ծրագիրն իրականացվում է ՀՀ ԿԳՄՍ նախարարության աջակցությամբ՝ Հովհաննես Շարամբեյանի անվան ժողովրդական թանգարանի, Տերյան մշակութային կենտրոնի, «Մեգերյան կարպետ» մշակութային համալիրի հետ համագործակցությամբ: Միջոցառման շրջանակում կկազմակերպվի հայ և վրացի արհեստագործ վարպետների արհեստի և ուտեստի 1-օրյա համատեղ ցուցադրություն: ՀՀ ԿԳՄՍՆ
Ժամը 15:30-ին «Ճարտարապետության և շինարարության Հայաստանի ազգային համալսարան» հիմնադրամի նիստերի դահլիճում (Տերյան 105, 2-րդ մասնաշենք, 2023 սենյակ) կկայանա «Աշխարհագրական տեղեկատվական համակարգեր (ԱՏՀ/GIS)» միջազգային օրվան նվիրված աշխատաժողով: Նպատակն է բարձրացնել ուսանողների և մասնագիտական ոլորտի ներկայացուցիչների տեղեկացվածությունը «Գեոմատիկա» մասնագիտության «Աշխարհագրական տեղեկատվական համակարգեր (ԱՏՀ)» կրթական ծրագրի վերաբերյալ։ Աշխատաժողովի ընթացքում ոլորտի մասնագետները կծանոթանան գործնականում և պետական կառավարման համակարգերում ԱՏՀ-ի կիրառություններին և զարգացման միտումներին։ Հյուրեր՝ Քաղաքաշինության կոմիտե, Կադաստրի կոմիտե, ՀՀ էկոնոմիկայի նախարարություն, ՀՀ ՏԿԵ նախարարություն, ՀՀ շրջակա միջավայրի նախարարություն, ՀԱԱՀ Ագրարային, Գեոդեզիստների և հողաշինարարների միություն, Ինտերգեոտեկ ՍՊԸ, Գեովայբ ընկերություն:
Կուսակցություններ, ՀԿ-ներ, միջազգային կազմ-ներ
Ժամը 11:00-ից «Արմենիա Մարիոթ» հյուրանոցում կանցկացվի «Կարիերայի նոր հնարավորություններ և հեռանկարներ» խորագրով կարիերայի առաջին տոնավաճառը Արցախցիների համար, որը կազմակերպվում է Հայկական բարեգործական ընդհանուր միության (ՀԲԸՄ) «Սովորի՛ր և վաստակի՛ր. Արցախ» ծրագրի շրջանակում, ԵՊՀ-ի և Եվրասիա միջազգային համալսարանի գործակցությամբ։ Տոնավաճառի շրջանակում կկազմակերպվեն հանդիպումներ 40-ից ավելի առաջատար կազմակերպությունների և աշխատանք փնտրողների միջև, կանցկացվեն աշխատանք գտնելու հմտությունների զարգացմանը միտված կրթական միջոցառումներ և կլոր սեղան-քննարկումներ առկա խնդիրների և մարտահրավերների շուրջ։ ՀԲԸՄ, 055-888-508:
16:00-ին Վ.Բրյուսովի անվան պետական համալսարանում կկայանա Ֆրանսերեն դասավանդողների միջազգային օրվան նվիրված մեծ միջոցառում: