7 րոպեի ընթերցում
ԱՆՈՆՍ
20 նոյեմբեր, 2024
Պետական կառույցներ
Ժամը 09:30-ին ՀՀ գիտությունների ազգային ակադեմիայում (Բաղրամյան 24, 2-րդ հարկ) կմեկնարկի ՀՀ ԳԱԱ-ի և ՌԴ Դուբնայի Միջուկային հետազոտությունների միացյալ ինստիտուտի համատեղ կազմակերպած «Սառը միաձուլման 50-ամյակը» միջազգային գիտաժողովը։ Գիտաժողովը կնախագահեն ՀՀ ԳԱԱ նախագահ, ակադեմիկոս Աշոտ Սաղյանը և ՌԴ Դուբնայի Միջուկային հետազոտությունների միացյալ ինստիտուտի տնօրեն, ՌԴ գիտությունների ակադեմիայի ակադեմիկոս Գրիգորի Տրուբնիկովը։ Զեկուցմամբ հանդես կգա հայազգի մեծանուն գիտնական, Մենդելեևի անվան ՅՈԻՆԵՍԿՕ-Ռուսաստան միջազգային մրցանակի դափնեկիր, ՌԴ ԳԱ ակադեմիկոս, ՀՀ ԳԱԱ արտասահմանյան անդամ, ՌԴ Դուբնայի Միջուկային հետազոտությունների միացյալ ինստիտուտի Միջուկային ռեակցիաների լաբորատորիայի գիտական ղեկավար Յուրի Հովհաննիսյանը։ Գիտաժողովի աշխատանքները կշարունակվեն մինչև նոյեմբերի 23-ը ներառյալ։ Գիտաժողովի աշխատանքային լեզուն անգլերենն է։ Մուտքն ազատ է։ ՀՀ ԳԱԱ
Ժամը 10:00-ին «Դաունթաուն» բիզնես կենտրոնում /Ադմիրալ Իսակով 11/ կկայանա «Հայաստանի դիմակայուն լանդշաֆտներ» ծրագրի մեկնարկային աշխատաժողովը, որի նպատակն է իրազեկել շահագրգիռ կողմերին նախատեսվող ծրագրային գործողությունների մասին և ձևավորել ծրագրի իրականացման շրջանակի, շահակիրների դերի և ակնկալվող արդյունքների առնչությամբ ընդհանուր տեսլական: Բացման պաշտոնական ելույթներ. ՀՀ շրջակա միջավայրի նախարար Հակոբ Սիմիդյան, ՀՀ ֆինանսների նախարար Վահե Հովհաննիսյան (ենթակա է հաստատման), Համաշխարհային բանկի հայաստանյան գրասենյակի տնօրեն Կարոլին Գեգինատ, Հայաստանում Շվեդիայի դեսպան Պատրիկ Սվենսոն (TBC), ՀՀ շրջակա միջավայրի նախարարի տեղակալ Արամ Մեյմարյան: ՀՀ ՇՄՆ, +374 011 818-559:
Ժամը 11:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ կրթության տեսչական մարմնի ղեկավարի տեղակալ Արսեն Բաղդասարյանի ասուլիսը: Թեմա. դասալսումներ՝ դպրոցներում․ մեկնարկում է «Աջակցություն ուսուցման կազմակերպմանը» ծրագիրը։
ժամը 11:00 Երևանի քաղաքապետարանում տեղի կունենա մամուլի ասուլիս, որի ընթացքում քաղաքապետի տեղակալ Սուրեն Գրիգորյանը կներկայացնի մանրամասներ՝ մայրաքաղաքի ամանորյա տոնական ձևավորման վերաբերյալ:
Սիրով հրավիրում ենք լուսաբանման:
Ժամը 13:30-ից «Անի Գրանդ Հոթել»-ի «Պանորամա» սրահում /Հանրապետության 65/ կկայանա Հայաստանի անտառային դաշինքի կողմից կազմակերպվող Հայաստանի անտառների վերաբերյալ 3-րդ կլոր սեղան քննարկումը՝ «Անտառային լանդշաֆտի վերականգնման նախաձեռնությունների ներկա վիճակը Հայաստանում» թեմայով: Հանդիպմանը ներկա կլինեն՝ ՀՀ վարչապետի գլխավոր խորհրդական Համբարձում Մաթևոսյանը, ՀՀ ՇՄ նախարար Հակոբ Սիմիդյանը, Էկոպարեկային ծառայության պետ Վլադիմիր Կիրակոսյանը, «Հայանտառ» ՊՈԱԿ տնօրեն Սևակ Մարկոսյանը, ներկայացուցիչներ. Վայրի բնության և մշակութային արժեքների պահպանման հիմնադրամից (FPWC), My Forest Armenia, Armenia Tree Project, ՇԵՆ ՀԿ-ներից, ինչպես նաև՝ ՄԱԿ-ի Զարգացման ծրագրի, ՀԱՀ Յակոբեան բնապահպանական կենտրոնի, Հայաստանի ազգային ագրարային համալսարանի, Կենդանաբանության և հիդրոէկոլոգիայի գիտական կենտրոն ՊՈԱԿ-ի ներկայացուցիչներ։ 374 98509939:
Ժամը 17:00-ին Կարեն Դեմիրճյանի անվան մարզահամերգային համալիրում կանցկացվի զինվորականների ըմբշամարտի աշխարհի 37-րդ առաջնության բացման պաշտոնական արարողությունը, որին մասնակցելու նպատակով Հայաստան է ժամանել 2 տասնյակից ավելի պետության շուրջ 400 ներկայացուցիչ:
ԲՈՒՀ-եր, կրթական հաստատություններ
Ժամը 10:30-ին Հայ-ռուսական համալսարանում ՀՌՀ ֆիզիկական դաստիարակության և առողջ ապրելակերպի ամբիոնը ՀՀ ԿԳՄՍ նախարարություն հետ համատեղ կազմակերպում է «Մարզչի կատարելագործման հիմնահարցերը սպորտի զարգացման համատեքստում» խորագրով աշխատաժողով: Բացման խոսք՝ ՀՌՀ ռեկտոր Էդվարդ Սանդոյան: Ողջույնի խոսք՝ ԿԳՄՍ փոխնախարար Կարեն Գիլոյան: Ժամը 13:00-13:30-ը՝ հավաք խորհրդակցության արդյունքների ամփոփում և հավաստագրերի հանձնում եւ շրջայց Հայ-ռուսական համալասրանի սպորտային համալիրում: ՀՌՀ, +374 93 52 85 49:
Ժամը 13:00-ին ԵՊՀ պատմության ֆակուլտետում (6-րդ մասնաշենք՝ սև շենք, 318 սենյակ) կկայանա ԽՍՀՄ ակադեմիկոս, պատմաբան, լեզվագետ, ԵՊՀ հիմնադիր Հակոբ Մանանդյանի ծննդյան 151-֊ամյակին նվիրված միջոցառում։ Միջոցառմանը ելույթ կունենան ԵՊՀ պատմության ֆակուլտետի դեկան Մխիթար Գաբրիելյանը, Հակոբ Մանանդյանին նվիրված կենսագրական հոդվածի հեղինակները և Հակոբ Մանանդյանի ժառանգ Էլեոնորա Մանանդյանը։ 098 040638:
Մշակույթ
Ժամը 12:00-ին «Ibis» հյուրանոցի «Կարին» սրահում (Հյուսիսային պողոտա 5/1) Երվանդ Քոչարի որդին՝ կինոռեժիսոր Ռուբեն Քոչարը և փաստաբան Տիգրան Աթանեսյանը կներկայացնեն փաստեր։ Երվանդ Քոչարի թանգարանից անհետացել են նկարչի 7 ստեղծագործություններ՝ մոտ 500.000 դոլար արժողության։ Այդ մասին ահազանգվել է նաև ՀՀ կառավարությանը, այժմ գործը ՀՀ քննչական կոմիտեում է։ Կասկածներ կան նաև թանգարանում գտնվող պետական գույք հանդիսացող ստեղծագործությունների որոշ մասի բնօրինակ լինելու և գոյության հետ կապված։ Երվանդ Քոչարի ժառանգությունը վտանգված է, Հայաստանի պետությունը կարող է կանգնել փաստի առաջ։ «Քոչար» մշակութային հիմնադրամ, +374 91220170:
Ժամը 19:00-ին «Մոսկվա» կինոթատրոնում կկայանա «Նոր տարվա կինո» գեղարվեստական ֆիլմի պրեմիերան: Ռեժիսոր Ելենա Արշակյանի և սցենարիստ Անահիտ Մխիթարյանի ֆիլմը Ամանորի հրաշքի ու երազանքի մասին է: Ֆիլմի նկարահանումների աշխարհագրությունը ընդարձակ է, նկարահանումներ են իրականացվել Հայաստանի տարբեր մարզերում՝ Լոռի, Գեղարքունիք, Շիրակ, Սյունիք, ներկայացվում է տեղի կոլորիտը, բարբառը, հումորները: Հատկանշական է, որ ֆիլմում ընդգրկված դերասանները ներկայացնում են հենց իրենց ծննդավայր մարզը: