7 րոպեի ընթերցում
ԱՆՈՆՍ
15 նոյեմբեր, 2024
ԱԺ
Ժամը 10։00-ին ԱԺ նիստերի դահլիճում կշարունակվի նիստը
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 10:30-ին Հայաստանի պատմության թանգարանում կկայանա Մեգերյան կարպետի և Հայաստանի պատմության թանգարանի միջև հուշագրի ստորագրման արարողություն։ Հուշագրի շրջանակներում կնքվելու է պայմանագիր, ըստ որի ստեղծվելու է 19-րդ դարի կեսի «Աստղահավաք» գորգի կրկնօրինակը՝ Բանանցի ավանդական ձեռագործ տեխնոլոգիայով, որը կնվիրաբերվի Հայաստանի պատմության թանգարանին: +374 77 681810:
Ժամը 12:00-ին Կենտրոնական ընտրական հանձնաժողովում նշանակված է ԿԸՀ արտահերթ նիստ։
Ժամը 12:00-ին Մատենադարան, ծրագիր՝ Մատենադարանի տնօրեն Արա Խզմալյանի կողմից Զինվորի տուն կտարվի «Շուխոնց ավետարան» թղթե ձեռագիր մատյան՝ խնդրակատար ավետարանը: Ծրագիր՝ ժամը 13:00-ին ԵՊԲՀ կենտրոնական մասնաշենքի նախասրահում՝ Գմբեթի տակ, կցուցադրվի Ամիրդովլաթ Ամասիացու «Օգուտ բժշկության» ընդօրինակված ձեռագիրը (18-րդ դար), որը հանդիսավորությամբ կնվիրաբերվի Մեսրոպ Մաշտոցի անվան Մատենադարանին: Ելույթ կունենա ռեկտոր Արմեն Մուրադյանը՝ ներկայացնելով կարևոր այս նախաձեռնությունը: Ժամը 14:00-ին Մատենադարանում կանցկացվի արժեքավոր ձեռագրի հանդիսավոր փոխանցման արարողություն: Միջոցառմանը ներկա կլինի և ողջույնի խոսք կասի նաև ՀՀ ԿԳՄՍ նախարար Ժաննա Անդրեասյանը: Ժամը 14:20-ին Մատենադարանի Ընծայաբերման սրահում տեղի կունենա նվիրաբերության արարողությունը: Ժամը 14:20-ից զուգահեռ՝ Մատենադարանի մյուս սրահներում հերացիականների համար կկազմակերպվի շրջայց, որտեղ կծանոթանան հին ձեռագրերի և փաստաթղթերի պահպանման և ուսումնասիրման կենտրոնի ցուցանմուշներին:
Կուսակցություններ, ՀԿ-ներ, միջազգային կազմ-ներ
Ժամը 16:00-ին ՄԱԿ-ի հայաստանյան գրասենյակի մոտ (Պետրոս Ադամյան 14) կկայանա բողոքի ակցիա՝ «Stop Greenwashing Genocide!»: Ակցիայի ավարտին նամակ կհանձնվի ՄԱԿ-ի հայաստանյան գրասենյակին։ Միջոցառմանը ներկա կլինի էկոակտիվիստ Գրետա Թունբերգը, որը հրաժարվել է մասնակցել COP29-ին Ադրբեջանի անցկացման վայրի պատճառով: Բողոքի ակցիան կազմակերպվել է ՄԱԿ-ի այն որոշմանը ի պատասխան, որը COP29 համաժողովի անցկացման վայրը նշանակել է Ադրբեջանը։ Միջոցառման ընթացքում կքննարկվեն Ադրբեջանի գործողությունների ազդեցությունը ինչպես մարդու իրավունքների, այնպես էլ տարածաշրջանի բնապահպանական պաշտպանության վրա։ +374 93 804139:
ԲՈՒՀ-եր, կրթական հաստատություններ
Ժամը 10:00-ին Հայաստանի ֆիզիկական կուլտուրայի և սպորտի պետական ինստիտուտում (Ալեք Մանուկյան 11) կկազմակերպվի միջոցառումների շարք՝ «Ուժի և գիտության խաչմերուկում» խորագրով։ Նախասրահում բուհի մասնագիտական ամբիոններն առանձին տաղավարներում կներկայացնեն գիտության ոլորտում ունեցած իրենց ձեռքբերումները։ Այնուհետև «Սպորտ ԿԱԲ» գիտահետազոտական կենտրոնի ղեկավարը կներկայացնի կենտրոնի գիտահետազոտական և աշխատանքային հնարավորությունները։ Միջոցառումները կավարտվեն գրադարանում, որտեղ սպորտային մանկավարժության գիտության ձեռքբերումների մասին կխոսի ոլորտի բացառիկ մասնագետ, մանկավարժական գիտությունների դոկտոր, պրոֆեսոր Ֆրունզ Ղազարյանը։ +374 91 463535:
Ժամը 12:30-ին ԵՊՀ մեծ դահլիճում (կենտրոնական մասնաշենք) ԵՊՀ աշխարհագրության և երկրաբանության ֆակուլտետը այս տարի նշում է կազմավորման 90-ամյակը, այս առիթով կկայանա «90-ամյա գերազանցություն» խորագրով միջոցառում: Միջոցառմանը կմասնակցեն. ԵՊՀ պրոռեկտորները, պրոֆեսորադասախոսական կազմի ներկայացուցիչներ, վարչական ստորաբաժանումների ղեկավարներ, ՀՀ ՏԿԵ նախարար Գնել Սանոսյանը, ՀՀ ՇՄ նախարար Հակոբ Սիմիդյանը, փոխնախարարներ, Բնապահպանության և ընդերքի տեսչական մարմնի ղեկավար Հովհաննես Մարտիրոսյանը, գործընկերներ, ուսանողներ և հյուրեր: 094 52 52 65, 060 71 01 03:
Ժամը 14:00-ից Հայաստանում ֆրանսիական համալսարանը (ՀՖՀՀ, Դավիթ Անհաղթի 10) կազմակերպում է արդեն ավանդույթ դարձած աշխատանքի տոնավաճառ, որը կհամախմբի շուրջ 65 ընկերությունների, պետական կառույցների և տաղանդավոր երիտասարդների։ Միջոցառման շրջանակում կներկայացվեն համալսարանի նոր՝ շրջանավարտներին և կարիերայի կառուցմանը նվիրված էլեկտրոնային հարթակները։ Բացման խոսքով հանդես կգան Հայաստանում Ֆրանսիայի դեսպան Օլիվիե Դըկոտինյին և ՀՖՀՀ ռեկտոր Սալվա Նակուզին։ +37498061798։
Մամուլի ակումբներ
Ժամը 12:00-ին Մեդիա կենտրոնում տեղի կունենա մամուլի ասուլիս՝ «Ոչ մարտական պայմաններում զոհված զինծառայողների գործերով քննություն․ ի՞նչ գործողություններ են արվել 2024-ին» թեմայով։ Բանախոսներ՝ «Հելսինկյան ասոցիացիա» իրավապաշտպան ՀԿ նախագահ, իրավապաշտպան Նինա Կարապետյանց, «Հելսինկյան ասոցիացիա» իրավապաշտպան ՀԿ փաստաբան, իրավահաջորդների ներկայացուցիչ Արայիկ Պապիկյան: Ասուլիսի ընթացքում անդրադարձ կկատարվի Զինված ուժերում ոչ մարտական պայմաններում ծառայելու ընթացքում զոհված զինծառայողներ Տիգրան Օհանջանյանի, Վալերիկ Մուրադյանի, Արթուր Ղազարյանի, Անդրանիկ Մկրտչյանի, Լևոն Թորոսյանի գործերին։
Ժամը 13:00-ին Մեդիա կենտրոնում տեղի կունենա քննարկում՝ «Ի՞նչ է սպասվում Լեռնային Ղարաբաղից տեղահանվածներին 2025-ի մարտից հետո» թեմայով։ Բանախոսներ՝ ՀՀ աշխատանքի և սոցիալական հարցերի նախարարի տեղակալ Աննա Ժամակոչյան, Արցախի մարդու իրավունքների պաշտպան Գեղամ Ստեփանյան, արցախցի հասարակական գործիչ Լիաննա Պետրոսյան:
Մշակույթ
Ժամը 15:00-ին ՀԳՄ մեծ դահլիճում տեղի կունենա Հայաստանի գրողների միության 90-ամյակին նվիրված գրական-երաժշտական հանդիսություն: ՀԳՄ անդամների և ՀԳՄ պատվավոր անդամների մուտքն անդամատոմսերով։ ՀԳՄ, ՀՀ ԿԳՄՍՆ:
Ժամը 18:00-ին կվերաբացվի Ալեքսանդր Սպենդիարյանի տուն-թանգարանի /Նալբանդյան 21/ մշտական ցուցադրության «Կոմպոզիտորի ստեղծագործական ուղին» ցուցասրահը՝ արդիականացված և գեղարվեստական նոր ձևավորմամբ։ Ցուցադրությունը համալրվել է Ալ.Սպենդիարյանի ստեղծագործական ժառանգության փաստագրական և գեղարվեստական նորահայտ նյութերով: Ինտերակտիվ նոր ձևաչափով է ներկայացված կոմպոզիտորի «Ալմաստ» օպերայի բեմական պատմությունը: Ծրագիրն իրականացվել է ՀՀ ԿԳՄՍ նախարարության «Թանգարանային ծրագրեր և միջոցառումներ» դրամաշնորհային աջակցությամբ: