398.74
Օլաֆ Շոլցը հայտարարել է, որ Ուկրաինային օգնությունը չպետք է լինի ի վնաս Գերմանիայի
1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Գերմանիայի կանցլեր Օլաֆ Շոլցը հայտարարել է, որ Կիևին ռազմական աջակցություն տրամադրելը չպետք է կատարվի Գերմանիայի և նրա քաղաքացիների ապագայի համար ներդրումների հաշվին:
«Արմենպրես»-ի հաղորդմամբ՝ այս մասին կանցլերը հայտարարել է Գերմանիայի խորհրդարանում իր ելույթի ժամանակ:
«Անհրաժեշտ է պատասխանել մեկ հարցի. պետք է արդյոք ֆինանսավորել Ուկրաինայի աջակցությունը, Գերմանիայի դաշնային բյուջեի ավելի քան 12 մլրդ եվրոյի հաշվին՝ ի վնաս մեր երկրի ապագայի: Իմ պատասխանն է՝ ոչ»,- հայտարարել է Գերմանիայի կանցլերը:
Նա հերթական անգամ նշել է, որ չի կարող լինել երկակի դիրքորոշում և ընտրություն Կիևին օգնելու և Գերմանիայի բարօրության միջև:
Բաժանորդագրվեք մեր ալիքին Telegram-ում