Թուրքիան Իսրայելին չի ծանուցել հարաբերությունների խզման մասին. իսրայելական աղբյուր

ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Իսրայելի իշխանությունները Թուրքիայից ծանուցում չեն ստացել երկու երկրների միջև հարաբերությունների խզման մասին: «Արմենպրես»-ի հաղորդմամբ՝ այդ մասին հայտնել է իսրայելական Yedioth Ahronoth պարբերականը:

«Թել Ավիվում Թուրքիայի դեսպանատունը շարունակում է գործել. Իսրայելի իշխանությունները հայտարարել են, որ հարաբերությունների խզման մասին չեն ծանուցվել»,- նշված է լրատվամիջոցի հաղորդագրությունում։

Ավելի վաղ թուրքական լրատվամիջոցները հայտնել էին, որ Թուրքիայի նախագահ Ռեջեփ Թայիփ Էրդողանը հայտարարել է Իսրայելի հետ հարաբերությունները խզելու մասին։

Թուրքիան վերջին ամիսներին պարբերաբար քննադատում է Իսրայելին՝ Գազայի հատվածում և Լիբանանում իրականացվող ռազմական գործողությունների համար։