397.35
Հայաստանը Ադրբեջանին է փոխանցել տարածաշրջանային կոմունիկացիաների բացման շուրջ գրավոր առաջարկները
1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանը և Ադրբեջանը տարածաշրջանային կոմունիկացիաների բացման հարցում կարող են ունենալ լուծում։ «Արմենպրես»-ի հաղորդմամբ՝ Ազգային ժողովում կառավարության հարցուպատասխանի ժամանակ այս մասին ասաց ՀՀ վարչապետ Նիկոլ Փաշինյանը՝ անդրադառնալով Կազանում կայացած իր և Ադրբեջանի նախագահ Իլհամ Ալիևի հանդիպմանը։
«Կազանում տեղի ունեցած կարևորագույն հաջորդ իրադարձությունն այն էր, որ շատ նման է նրան, որ մենք տարածքաշրջանային կոմունիկացիաների բացման հարցում կարող ենք ունենալ լուծում, որը, ըստ էության, կարող է հասցեագրել և փոխադարձ, լիարժեքորեն լինել ընդունելի։ Եվ մենք այս առաջարկը գրավոր ձևով փոխանցել ենք Ադրբեջանին»,- ասաց Փաշինյանը։
Բաժանորդագրվեք մեր ալիքին Telegram-ում