398.94
Գևորգ Պապոյանը վստահ է, որ հայ-ամերիկյան հարաբերություններում փոփոխություն չի սպասվում
1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Իշխող «Քաղաքացիական պայմանագիր» կուսակցության վարչության փոխնախագահ, Էկոնոմիկայի նախարար Գևորգ Պապոյանը վստահ է, որ ԱՄՆ-ում ընտրություններից ու վարչակազմի հնարավոր փոփոխությունից հետո հայ-ամերիկյան հարաբերությունները մնալու են նույնքան ջերմ ու լավ:
«Արմենպրես»-ի փոխանցմամբ՝ Պապոյանը նման տեսակետ հայտնեց լրագրողների հետ զրույցում:
«Ամեն ինչ մնալու է այնպես, ինչպես կա: Հայ-ամերիկյան հարաբերությունները ջերմ են, մենք գնում ենք ռազմավարական գործընկերության, դրա մասին թուղթ կա ստորագրված: Ես վստահ եմ, որ ոչ մի բան էլ չի փոփոխվելու, ջերմ ու լավ հարաբերությունները մնալու են»,-ասաց Պապոյանը:
ԱՄՆ նախագահական ընտրություններում նախնական տվյալներով հաղթանակ է տարել հանրապետական թեկնածու Դոնալդ Թրամփը՝ առաջ անցնելով ԱՄՆ փոխնախագահ, դեմոկրատական թեկնածու Քամալա Հարիսից:
Բաժանորդագրվեք մեր ալիքին Telegram-ում