8 րոպեի ընթերցում
ԱՆՈՆՍ
05 նոյեմբեր, 2024
ՀՀ ԱԺ
Ժամը 09:30-ին Ազգային ժողովի 334 դահլիճում կկայանա ԱԺ եվրոպական ինտեգրման հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2025թ. պետական բյուջեի մասին» ՀՀ օրենքի նախագծում նախատեսված եկամուտներ եւ ծախսեր՝ եվրոպական ինտեգրում:
Ժամը 11:00-ին Ազգային ժողովի 334 դահլիճում կկայանա ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2025թ. պետական բյուջեի մասին» ՀՀ օրենքի նախագծում նախատեսված եկամուտներ եւ ծախսեր՝ տարածքային կառավարում, դոտացիաներ համայնքներին, պատվիրակված լիազորությունների իրականացում, շրջակա միջավայր, գյուղատնտեսություն եւ ջրային տնտեսություն:
ՀՀ նախարարություններ
Ժամը 12:30-ին ՀՀ ԿԳՄՍ նախարարության 9-րդ հարկի դահլիճում (Վազգեն Սարգսյան 3, Կառավարական տուն 2) տեղի կունենա մամուլի ասուլիս՝ Շառլ Ազնավուրին նվիրված «Jamais» երգի պրեմիերային ընդառաջ (խոսք՝ Բատիստ Ֆոմերի, երաժշտություն Շուշան Սարգսյանի): Երգի գործիքավորումն իրականացվել է Ֆրանսիայում, իսկ ձայնագրման աշխատանքները՝ Հայաստանում և Ֆրանսիայում։ Կներկայացվեն նաև Շառլ Ազնավուրի ծննդյան 100-ամյակի հոբելյանական միջոցառումները, որի շրջանակում իրականացվել է նաև երգի թողարկումը: Ասուլիսին կմասնակցեն ԿԳՄՍ նախարարի տեղակալ Դանիել Դանիելյանը, կոմպոզիտոր Շուշան Սարգսյանը, տեսահոլովակի ռեժիսոր Արտյոմ Բաղդասարյանը, երգչուհիներ Աննա Խաչատրյանը և Մաշա Մնջոյանը։ ՀՀ ԿԳՄՍՆ
Պետական կառույցներ
Ժամը 11:00-ին ՀՀ գիտությունների ազգային ակադեմիայում (Բաղրամյան 24, 2-րդ հարկ) կմեկնարկի «Պարույր Սևակ-100» հոբելյանական գիտաժողովը։ Գիտաժողովի ընթացքում գիտնականներ և մասնագետներ ՀՀ կրթական և գիտական կառույցներից կներկայացնեն զեկուցումներ՝ նվիրված հայ անվանի բանաստեղծ, մշակութային գործիչ, գրականագետ, թարգմանիչ Պարույր Սևակի կյանքին, նրա գրական գործունեությանն ու ժառանգությանը։ Գիտաժողովը կշարունակվի մինչև նոյեմբերի 7-ը՝ Խաչատուր Աբովյանի անվան հայկական պետական մանկավարժական համալսարանում, ԵՊՀ-ում և ՀՀ ԳԱԱ Մանուկ Աբեղյանի անվան գրականության ինստիտուտում։ ՀՀ ԳԱԱ
Ժամը 11:15-ին «Դվին» հյուրանոցում (Պարոնյան 40) կանցկացվի միջազգային համաժողով՝ «Ճանապարհ դեպի սոցիալական արդարություն. արժանապատիվ աշխատանք» խորագրով՝ Խաղաղության Նոբելյան մրցանակակիր Քայլաշ Սաթյարթիի, ԻԻՀ կանանց և ընտանիքի հարցերով փոխնախագահ Զահրա Բեհրուզ Ազարի, Արաբական ծոցի զարգացման տարածաշրջանային հիմնադրամի և Երեխաների զարգացման արաբական խորհրդի նախագահ, Սաուդյան Արաբիայի արքայազն Աբդուլազիզ բին Թալալ բին Աբդուլազիզ Ալ Սաուդի և այլ բարձրաստիճան հյուրերի մասնակցությամբ: Միջոցառումը կիրականացվի ՀՀ աշխատանքի և սոցիալական հարցերի նախարարության նախաձեռնությամբ։ Համաժողովի շրջանակում՝ բարձրաստիճան հյուրերի մասնակցությամբ Դավոսի ձևաչափով նախատեսվում է չորս պանելային քննարկում: Վան, Հայկ Բադալյան, Գևորգ, Հայկ Բարսեղյան: ՀՀ ԱՍՀՆ, 010 52 14 31։
Կուսակցություններ, ՀԿ-ներ, միջազգային կազմ-ներ
Ժամը 09:30-ից Ավետիք Իսահակյանի տուն-թանգարանում /Զարոբյան 20/ «Հիշատակարան» ՀԿ-ն և «Ինալկո» հիմնադրամը հրավիրում են լուսաբանելու «Պատմության լուռ վկաները» երկօրյա գիտաժողովը: Գիտաժողովի թեման շատ ընդգրկուն է, այն ներառում է Արցախի մշակույթի գրեթե բոլոր ոլորտները։ Գիտաժողովի շրջանակներում նախատեսվում է նաև Արցախի պատմամշակութային հուշարձանների՝ Սասուն Դանիելյանի և Գայանե Բուդաղյանի հեղինակային լուսանկարների ցուցահանդես։ Խոսնակներ՝ «Ինալկո» հիմնադրամի նախագահ Ֆիլիպ Ադվանի, ՀՀ-ում Ֆրանսիայի դեսպան Օլիվյե Դըկոտինյի, Մայր Աթոռ Սուրբ Էջմիածնի թանգարանների և արխիվների տնօրեն Հայր Ասողիկ Կարապետյան, Ավետիք Իսահակյանի տուն-թանգարանի տնօրեն Արմինե Ավետիսյան:
Ժամը 10:00-ին «Արմենիա Մարիոթ» հյուրանոցի «Տիգրան Մեծ» սրահում կմեկնարկի Ինտերնետ կառավարման հայաստանյան 9-րդ համաժողովը՝ ArmIGF2024-ը։ Համաժողովն անցկացվում է «Կիբեռիրականություն և անվտանգ թվային ապագա» խորագրով: Բացման խոսքով հանդես կգան՝ ՀՀ ԲՏԱ նախարարի առաջին տեղակալ Գևորգ Մանթաշյանը, ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջոն Գալագերը, «Ինտերնետ հանրություն» ՀԿ խորհրդի նախագահ Իգոր Մկրտումյանը, ICANN-ի Արևելյան Եվրոպայի և Կենտրոնական Ասիայի գլոբալ շահառու կողմերի ներգրավվածության ղեկավար Միխայիլ Անիսիմովը, RIPE NCC, հանրային կապերի և քաղաքականության մշակման ավագ խորհրդական, ԻԿԽ միջգերատեսչական խմբի անդամ Վահան Հովսեփյանը, «Ինտերնետ հասարակություն» ՀԿ համայնքի ներգրավվածության համակարգող եվրոպական տարածաշրջանի համար Նիք Հիրկան, Ucom-ի գլխավոր տնօրեն Ռալֆ Յիրիկյանը, RU/.РФ TLD կորդինացնող կենտրոնի տնօրեն Անդրեյ Վորոբյովը: Համաժողովին կմասնակցեն միջազգային 5 կազմակերպությունների և 7 երկրների ներկայացուցիչներ։ «Ինտերնետ հանրություն» ՀԿ, հեռ՝ 077 377611:
Մամուլի ակումբներ
Ժամը 13:00-ին Մեդիա կենտրոնում տեղի կունենա քննարկում՝ «Վարչական դատավարության և դատական ակտերի հարկադիր կատարման ոլորտում առկա համակարգային խնդիրները» թեմայով։ Բանախոսներ՝ Իրավունքի զարգացման և պաշտպանության հիմնադրամի տնօրեն Գենյա Պետրոսյան, Իրավունքի զարգացման և պաշտպանության hիմնադրամի իրավական հարցերով փորձագետ Դավիթ Գյուրջյան:
Ժամը 14:30-ին Մեդիա կենտրոնում տեղի կունենա քննարկում՝ «4000 ուսանողի շեմը կորոշի բուհի ճակատագիրը. բարձրագույն կրթության նոր օրինագծի հետևանքները» թեմայով։ Բանախոսներ՝ կրթության փորձագետ Սերոբ Խաչատրյան, Կոմիտասի անվան պետական կոնսերվատորիայի ներկայացուցիչ Գոհար Նշանյան: Սեպտեմբերի 16-ին ՀՀ ԿԳՄՍ նախարարությունն իրավական ակտերի նախագծերի հրապարակման միասնական կայքում՝ e-draft.am-ում, հանրային քննարկման է ներկայացրել «Բարձրագույն կրթության և գիտության մասին» օրինագիծը։
Մշակույթ
Ժամը 18:00-ից «Սասունցի Դավիթ» արձանի հարակից տարածքում կիրականացվի 3 մասից բաղկացած միջոցառում։ 2024թ. լրանում է հայ նշանավոր նկարիչ-արձանագործ, «Սասունցի Դավիթ» արձանի հեղինակ Երվանդ Քոչարի ծննդյան 125-ամյակը: Տարին կրկնակի հոբելյանական է, քանի որ լրանում է նաև արձանի տեղադրման 65-րդ տարին։ Կներկայացվի արձանի ստեղծման ստեղծագործական պատմությունը՝ ըստ Մաէստրո Քոչարի թողած գրառումների: Միջոցառման համերգային հատվածը կապահովի «Թմբաթա» նվագախումբը։ Երեկոն կամփոփվի Սասունցի Դավիթ արձանի վրա իրականացվելիք 2 ցուցադրանքներով: Միջոցառումն ուղղված է նաև ոչ նյութական մշակութային ժառանգության հանրահռչակմանը, այն իրականացնում է Երվանդ Քոչարի թանգարանը՝ ՀՀ ԿԳՄՍ նախարարության կողմից հատկացված դրամաշնորհով: