5 րոպեի ընթերցում
ԱՆՈՆՍ
24 հոկտեմբեր, 2024
ՀՀ ԱԺ
Ժամը 10:00-ին ՀՀ ԱԺ-ում աշխատանքը կշարունակի Ազգային ժողովի հերթական քառօրյա նիստը:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 09:00-ին ՀՀ գիտությունների ազգային ակադեմիայի դիմացի հարթակից (Բաղրամյան պող.24) կմեկնեն Բյուրական, որտեղ ժամը 10։30-ին Բյուրականի աստղադիտարանի և Հայկական աստղագիտական ընկերության ջանքերով տեղի կունենա Բյուրականի աստղադիտարանի ՅՈՒՆԵՍԿՕ-ի արժեքին նվիրված կենտրոնի բացման արարողությունը։ Բյուրականի աստղադիտարանի ՅՈՒՆԵՍԿՕ-ի կենտրոնը նվիրված է ՅՈՒՆԵՍԿՕ‐ի «Աշխարհի հիշողություն» ﬕջազգային գրանցամատյանի փաստագրական արժեք հանդիսացող հանրաճանաչ Մարգարյանի շրջահայությանը (գրանցվել է 2011 թվին)։ Նրա հիման վրա է ստեղծվել նաև Հայկական վիրտուալ աստղադիտարանը (ՀՎԱ, ArVO): Աստղադիտարանում լրագրողները հնարավորություն կունենան իրականացնել էքսկուրսիաներ և նկարահանումներ։ Ժամը 12:00-ին՝ վերադարձ ՀՀ ԳԱԱ: 077 60 10 27:
Ժամը 11:00-ին Կապանի մշակույթի կենտրոնում (Կապան, Չարենցի փող., 2 շենք) կկայանա «Արմենպրես»-ի «Դարի վավերագրություն» խորագրով ցուցադրության բացումը։ Ցուցադրությունը, որը կգործի մինչև նոյեմբերի 7-ը, հնարավորություն կտա ևս մեկ անգամ վերհիշելու Հայաստանում 20-րդ դարի ընթացքում տեղի ունեցած կարևորագույն իրադարձությունները՝ սպորտային և մշակութային նվաճումներից մինչև քաղաքական կարևորագույն զարգացումներ, համաշխարհային մեծության դեմքերի այցելություններ, պատմամշակութային հուշարձանների վերակառուցումից մինչև գիտություն։
Ժամը 12:30-ին «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ շրջակա միջավայրի նախարարության ռազմավարական քաղաքականության վարչության պետ Լուսինե Ավետիսյանի ասուլիսը։ Թեմա. բնապահպանական խնդիրների լուծմանն ուղղված սուբվենցիոն ծրագրերը։
ԲՈՒՀ-եր, կրթական հաստատություններ
Ժամը 11:00-ին Հայ-ռուսական համալսարանի մշակույթի տանը կկայանա «Հայ-ռուսական մեդիաֆորում. երիտասարդության հայացք» երկօրյա կոնֆերանսի հանդիսավոր բացումը։ Համաժողովը կազմակերպվել է ՌԴ գիտության և բարձրագույն կրթության նախարարության հետ համատեղ: Երևան կժամանի ռուս երիտասարդ լրագրողների մեծ խումբ, ինչպես նաև նախարարության պատվիրակությունը: Հոկտեմբերի 25-ին՝ ժամը 12:45-ին, տեղի կունենա հայտնի ռեժիսոր և լրագրող, ֆորումի պատվավոր հյուր Աշոտ Ջազոյանի «Պետերբուրգ. կյանքը քաղաքում» ֆիլմի պրեմիերան։ +374 93 52 85 49:
Մամուլի ակումբներ
Ժամը 13:00-ին Մեդիա կենտրոնում տեղի կունենա Խոսքի ազատության պաշտպանության կոմիտեի նախագահ Աշոտ Մելիքյանի մամուլի ասուլիսը։ Թեմա՝ «2024 թ. 3-րդ եռամսյակի զեկույցը՝ Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների վերաբերյալ»։
Մշակույթ
Ժամը 10:00-ին «Էպիգրաֆ» գրախանութում /Մաշտոցի 43/ տեղի կունենա Արամ Խաչատրյան համերգասրահում հոկտեմբերի 26-ին «Սիմֆոնիկ Հյուսթոն» խորագրով համերգին ընդառաջ մամուլի ասուլիսը: +374 (91) 451989:
Ժամը 14:00-ին ՀԳՄ կլոր սրահում տեղի կունենա բանաստեղծ Զահրատի ծննդյան 100-ամյակին նվիրված գրական հանդիսություն՝ Խ.Աբովյանի անվան մանկավարժական համալսարանի ուսանողների մասնակցությամբ:
Ժամը 17:00-ին Սոս Սարգսյանի անվան համազգային պետական թատրոնում կկայանա թատրոնի հիմնադիր Սոս Սարգսյանի ծննդյան օրվան նվիրված միջոցառում։ Ժամը 17։00-ին տեղի կունենա մամուլի ասուլիս, ինչին կհաջորդի «Լակոտը» ներկայացման ցուցադրությունը ժամը 19:00-ին՝ նվիրված Սոս Սարգսյանի ծննդյան 95-ամյակին: Ներկայացման հիմքում Սոս Սարգսյանի «Լակոտը» վիպակն է: Նախագիծը իրականացվել է «Հայաստան» համահայկական հիմնադրամի աջակցությամբ: