9 րոպեի ընթերցում
ԱՆՈՆՍ
18 հոկտեմբեր, 2024
ՀՀ ԱԺ
Ժամը 10:00-ին Ագային ժողովի 314 դահլիճում տեղի կունենա Պետական-իրավական հարցերի մշտական հանձնաժողովի նիստը:
Ժամը 12:00-ին Ազգային Ժողովի 334 սենյակում տեղի կունենա «Արցախում հայկական մշակութային ժառանգության ոչնչացման» խորագրով քննարկում, որին կմասնակցեն Արցախի Հանրապետության խորհրդարանի, կառավարության ներկայացուցիչներ և մշակութային ոլորտի այլ մասնագետներ, ինչպես նաև Հայաստանում հավատարմագրված դեսպանությունների և միջազգային կազմակերպությունների ներկայացուցիչներ։
ՀՀ նախարարություններ
Ժամը 14:30-ին ԿԳՄՍ նախարարության 9-րդ հարկի դահլիճում (Վազգեն Սարգսյան 3, Կառավարական տուն 2) կամփոփվեն և կներկայացվեն «Հայաստանի Հանրապետության 2025 թվականի երիտասարդական մայրաքաղաք» մրցույթի արդյունքները: Ամփոփիչ նիստը կվարի մրցութային հանձնաժողովի նախագահ՝ ԿԳՄՍ նախարարի տեղակալ Արթուր Մարտիրոսյանը: 2025 թվականի երիտասարդական մայրաքաղաքի տիտղոսի համար հայտ էին ներկայացրել Աբովյան, Ալավերդի, Ապարան, Մարտունի և Նոյեմբերյան քաղաքները։ Ներկայանալ լրագրողական վկայականով (բեյջ) և անձնագրով:
Կուսակցություններ, ՀԿ-ներ, միջազգային կազմ-ներ
Ժամը 11:00-ին «Ուիգմոր կանանց և երեխաների հիվանդանոցը» հրավիրում է «Հայ բժշկության պատմություն» փաստավավերագրական ֆիլմի առաջին փակ ցուցադրությանը՝ հատուկ ԶԼՄ ներկայացուցիչների համար: Ֆիլմը յուրահատուկ ճամփորդություն է ժամանակի մեջ. նախնադարից մինչև միջին դարեր, սովետական միության բժշկական դպրոցի ամենավառ դրվագրներից մինչև հայ բժշկության հետքերի բացահայտումներ տարածաշրջանում։ Հիվանդանոցի հաղորդակցության պատասխանատու Աննա Թավաքալյան, 093 011 789 :
Ժամը 12:00-ին «Մերիդիան» ցուցահանդեսային կենտրոնում /Ոսկերիչների 1/ կներկայացվի OFFICE PRO.am` Mantashyants GLOBAL EXPO 2024-ը: Կազմակերպիչ՝ Big Projects:
Ժամը 13:45-ին «Կոնգրես» հյուրանոցի միջոցառումների մեծ դահլիճում կկայանա Համաշխարհային բանկի «Հայաստան. երկրի գենդերային գնահատում» զեկույցի շնորհանդեսը։ Հայաստանում աշխատանքային տարիքի կանանց կեսից քիչն է ընդգրկված աշխատուժի կազմում: Գնահատմամբ առաջարկվում են քաղաքականության իրագործելի առաջարկություններ՝ համակարգային փոփոխություն խթանելու համար: Բացման խոսք՝ ՀԲ Հայաստանի գրասենյակի ղեկավար Կարոլին Գեգինատ: Ելույթներ՝ ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյան, Ծրագրերի ղեկավար, «Դասավանդի՛ր, Հայաստան» կրթական հիմնադրամ Զինա Ղուկասյան: Խնդրում ենք հարցազրույցի համար մոտենալ 13։45-ին, քանի որ խոսնակները, ովքեր կարող են ներկայացնել զեկույցի բովանդակությունը, հասանելի կլինեն ԶԼՄ-ների ներկայացուցիչների հարցերին պատասխանելու և զեկույցի վերաբերյալ մեկնաբանություն տալու համար 13։45-14։00-ը։ Այնուհետեւ ժամը 14:20-ին պետք է հանդես գան պաշտոնական բացման խոսքով, որին կհետեւի զեկույցի բուն ներկայացումը։ Hasmik Soghomonyan, +374 91291300:
Ժամը 16:00-ին Մերիդիան Էքսպո կենտրոնում /Ոսկերիչների 1/ կկայանա Real Business կոնֆերանսը, որին մասնակցում է նաև Ամերիաբանկը՝ ներկայացնելով իր բիզնես հաճախորդների համար նախատեսված MyBusiness.am հարթակը։ Կոնֆերանսի շրջանակում նախատեսվում է նաև Ամերիաբանկի MyBusiness պրոդուկտի ղեկավար Արփինե Հարությունյանի ելույթը։ Արտյոմ, 044 291131։
ԲՈՒՀ-եր, կրթական հաստատություններ
Ժամը 12:00-ին Ավ.Իսահակյանի տուն-թանգարանում Վարպետի ծննդյանն ընդառաջ, տեղի կունենա «Աշխարհացույց» կրթական նորարարական հարթակում գրականություն առարկայից «Ավետիք Իսահակյան» թեմայի շնորհանդեսը։ Թեման մշակվել է «Վիզուալ Հայաստան» զարգացման հիմնադրամի և «Ավ.Իսահակյանի տուն-թանգարան» ՊՈԱԿ-ի միջև 2023թ. օգոստոսի 8-ին ստորագրված Համագործակցության հուշագրի շրջանակում։ Համագործակցության արդյունքում աշակերտը հնարավորություն է ստանում ոչ միայն իրեն հասկանալի թվային լեզվով ծանոթանալու մեծանուն հեղինակին ու նրա ստեղծագործություններին, այլև, օգտվելով հարթակի քարտեզներից, ինտերակտիվ գործիքակազմից (չափելու, գծելու, նշելու և այլ գործիքներ) ու հարուստ արխիվային նյութից: 098 587380, 091 196317, 099 825813:
Ժամը 13:00-ին Հայ ասպետ դպրոցի «Մեծ Հայք» սրահում (Մոսկովյան փող. նրբ., 3/2 շենք, 5-րդ հարկ) տեղի կունենա մամուլի ասուլիս՝ Հայ ժողովրդի պատմության դասագրքի հետ կապված: Ասուլիսի ընթացքում բանախոսությամբ հանդես կգան և լրագրողների հարցերին կպատասխանեն՝ Փաստաբանների պալատի նախագահ, փաստաբան Սիմոն Բաբայանը, Փաստաբանական ակադեմիայի ռեկտոր, փաստաբան Արա Զոհրաբյանը, Փաստաբանական ակադեմիայի պրոռեկտոր փաստաբան Մանե Կարապետյանը, «Հայ ասպեստ» դպրոցի ղեկավար Կարին Տոնոյանը: Տեղեկացվում է, որ Հայ ժողովրդի պատմության դասագրքի հետ կապված դատական գործով ԿԳՄՍ նախարարությունը պարտվել է:
Մամուլի ակումբներ
Ժամը 11:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս՝ «Ինչպես ճիշտ ցուցաբերել առաջին օգնությունը արտակարգ իրավիճակներում» թեմայով: Հոկտեմբերի 19-22-ը «Ռուսական մարդասիրական առաքելություն» կազմակերպությունը «Սրտերի վերածնունդ» բարեգործական հիմնադրամի հետ համատեղ կանցկացնի «Առաջին օգնություն արտակարգ իրավիճակներում» ուսուցողական դասընթաց կազմակերպության կամավորների և աշխատակիցների համար:
Ժամը 12:00-ին «Հենարան» մամուլի ակումբում /Թումանյան 32, բն.16/ կհյուրընկալվի քաղտեխնոլոգ Կարեն Քոչարյանը։ Թեմա՝ ներքաղաքական զարգացումներ.․ տարածաշրջանային հիմնախնդիրներ։
Ժամը 12:30-ին Մեդիա կենտրոնում տեղի կունենա քննարկում՝ «Խաղաղ պայմաններում զինվորների մահվան դեպքերի աճ. ո՞վ է պատասխանատու» թեմայով։ Բանախոսներ՝ «Խաղաղության երկխոսություն» ՀԿ նախագահ Էդգար Խաչատրյան, Հելսինկյան քաղաքացիական ասամբլեայի Վանաձորի գրասենյակի իրավապաշտպան Նազելի Մովսեսյան, իրավապաշտպան Զառա Հովհաննիսյան:
Մշակույթ
Ժամը 19:00-ին Երևանի կինոյի տանը կմեկնարկի «Արցախի օրեր» միջոցառումների շարքը: «Արցախի օրեր» միջոցառումների շարքը երեք օր կտարածի արցախյան շունչն ու յուրօրինակ կոլորիտը՝ հնարավորություն տալով վայելելու Արցախի գույները, հնչյունները, համերն ու մշակույթը: Բացման համերգին ելույթ կունենա Արցախի պետական ջազ նվագախումբը, ցուցահանդեսին կներկայացվեն «Դիզակի գույները» կտավները և արցախցի նկարիչների կտավները, հնարավորություն կլինի շփվելու արտիստների հետ։ Միջոցառումները կշարունակվեն հաջորդ օրը՝ ժամը 15:00-ից, Մասիսի կենտրոնական այգում: «Արցախի օրերի» վերջին օրն էլ՝ ժամը 13:00-ին, Մեղրաձորում՝ Կճուճներ կոչվող տարածքում տեղի կունենա «Գուպար» ազգային խաղերի մրցույթը՝ «Վարք Հայոց» երգ ու պարի խմբի կատարումների ուղեկցությամբ։
Ժամը 19:00-ին «ՆՓԱԿ»-ում (Փ.Բուզանդ 1/3) ToC Сreative Hub-ը, պարագիր Տոմա Այդինյանը և «ՆՓԱԿ» Նորարար փորձառական արվեստի կենտրոն հիմնադրամը հրավիրում են լուսաբանելու պարագիր Տոմա Այդինյանի «Արևը կծագի, և մենք նորից կփորձենք»/ "The Sun Will Rise and We Will Try Again" պարային մոնո ներկայացումը։ +374 55 43 33 23, +374 91 32 01 41։