2 րոպեի ընթերցում
ԱՆՈՆՍ
14 հոկտեմբեր, 2024
Կուսակցություններ, ՀԿ-ներ, միջազգային կազմ-ներ
Ժամը 12:00-ին «Հոլիդեյ Ինն» հյուրանոցի «Արտաշատ» սրահում (Ամիրյան 2) Հելսինկյան քաղաքացիական ասամբլեայի Վանաձորի գրասենյակը հրավիրում է մասնակցելու և լուսաբանելու բռնի տեղահանված արցախցիների իրավական աջակցության ծրագրի ամփոփմանը։ ՀՔԱՎ գրասենյակը Ժողովրդավարության զարգացման հիմնադրամի աջակցությամբ 2023 թվականի դեկտեմբերի 1-ից իրականացրել է բռնի տեղահանված անձանց իրավական աջակցության ծրագիրը։ 077 342268։
ԲՈՒՀ-եր, կրթական հաստատություններ
Ժամը 13:00-ին ԵՊԲՀ-ի Աբովյան 50/5 հասցեում գտնվող դահլիճում կանցկացվի «Էրեբունի-Երևան» 2806-ամյակին նվիրված «Երևան քաղաքի համաճարակաբանական և բնապահպանական բնութագիրը: Հարյուրամյա պատմական էքսկուրս» թեմայով անվճար կրեդիտավորված համաժողով: Համաժողովի նպատակն է` իրազեկել բուժանձնակազմին՝ Երևան քաղաքի վարակիչ և ոչ վարակիչ հիվանդություններով հիվանդացության համաճարակաբանության վերաբերյալ: +374 94 446242:
Մամուլի ակումբներ
Ժամը 12:00-ին Sputnik Արմենիա մամուլի կենտրոնում հարթակի միացմամբ կկայանա Մոսկվա-Մինսկ-Բիշքեկ-Երևան-Տաշքենդ տեսակամուրջ՝ «ԵԱՏՄ երկրների կենսաանվտանգությունը» թեմայով: Որքա՞ն է ԵԱՏՄ երկրներում Մարբուրգ վիրուսի բռնկման հավանականությունը։ Գրիպի ի՞նչ շտամ է սպասվում այս սեզոնին։ Ինչպե՞ս է քվադրոբերների շարժումը ազդում երեխաների հոգեբանության վրա: Ինչի՞ համար են անհրաժեշտ ԵԱՏՄ-ում կենսաակտիվ սննդային հավելումների մակնշման միասնական ստանդարտները, այս հարցերին տեսակամուրջի ընթացքում կպատասխանի ՌԳԱ ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն։
Մշակույթ
19։00-ին Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա «Բալետ Փարաջանով» ժամանակակից խորեոգրաֆիկ-բալետային ներկայացումը: