3 րոպեի ընթերցում
ԱՆՈՆՍ
12 հոկտեմբեր, 2024
Պետական կառույցներ
Ժամը 09:30-ից Գաբրիել Սունդուկյանի անվան ազգային ակադեմիական թատրոնում կկայանա Krisp ընկերության կողմից կազմակեպվող AI Conf Armenia 2024-ը՝ Հայաստանի ամենամեծ արհեստական բանականության համաժողովը։ Համաժողովի ընթացքում լինելու են ելույթներ ոլորտի ամենատարբեր ուղղությունների վերաբերյալ՝ The AI Revolution: Why Armenia Must Act Now, AI in Knowledge Management, Voice Technologies for Armenian and Their Applications և այլն։ Համաժողովին ներկա կլինեն այնպիսի խոսնակներ տարբեր ընկերություններից և կրթական հաստատություններից, ինչպիսիք են՝ Krisp, UCraft, PicsArt, PMI Science, Team Telecom, Yandex, SuperAnnotate, ManyChat, Acba Bank, Ameriabank, Freedom Brokers, YSU, RAU, UFAR, SEUA, AUA, CAST, TUMO, TelCell, FinArm, 10web, Prelaunch, ինչպես նաև ներկայացուցիչներ ՀՀ էկոնոմիկայի և ԲՏԱ նախարարություններից, Հայաստանի տեղեկատվական համակարգերի գործակալությունից։
Կուսակցություններ, ՀԿ-ներ, միջազգային կազմ-ներ
Ժամը 12:00-ից «Կոնգրես» հյուրանոցում տեղի կունենա FrancoFest 2024-ը՝ ֆրանկոֆոն բովանդակության գրականության ու արվեստի փառատոնը: Փառատոնին տեղի կունենա աննախադեպ իրադարձություն. Ֆրանկոֆոն աշխարհի ամենահեղինակավոր Goncourt մրցանակը կհայտարարի հայաստանյան մասնաճյուղ հիմնելու մասին։ «Գոնկուր Հայաստան» մրցանակը հիմնելու առիթով հատուկ փառատոնի համար Հայաստան են ժամանել Գոնկուր ակադեմիայի գլխավոր պատվիրակ Ֆրանսուազ Ռոսինոն և Գոնկուր մրցանակի ժյուրիի անդամ, ֆրանսիացի անվանի գրող, փիլիսոփա Պասկալ Բրյուկները: Բացմանը ներկա կլինեն նաև ՀՀ-ում Ֆրանսիայի դեսպան Օլիվյե Դեկոտինյին և ՀՀ ԱԳ նախարարի տեղակալ Պարույր Հովհաննիսյանը: +374 93 316688
Մշակույթ
Ժամը 10:00-ին Գրողների միության շենքի մոտից կմեկնեն Օշական, որտեղ կնշեն Թարգմանչաց տոնը: Կարինե 094 348247:
Ժամը 15:00-ին Կինոյի տանը (Վարդանանց 18/2) ReA փառատոնին ընդառաջ կկայանա ռեժիսոր Գինթս Զիլբալոդիսի «Հոսք» (Flow) ֆիլմի փակ նախադիտումն ու քննարկումը։ Ֆիլմի պրեմիերան տեղի է ունեցել Կաննի միջազգային կինոփառատոնում։ +374 96232519: