8 րոպեի ընթերցում
ԱՆՈՆՍ
11 հոկտեմբեր, 2024
ՀՀ ԱԺ
Ժամը 10:00-ին Ազգային ժողովի 114 սրահում տեղի կունենա ԱԺ ֆինանսավարկային եւ բյուջետային հարցերի մշտական հանձնաժողովի արտահերթ նիստը:
Պետական կառույցներ
Ժամը 09:00-ին «Կոնգրես» հյուրանոցի «Ball room» սրահում տեղի կունենա Ազգային մակարդակով սահմանված գործողությունների (ԱՍԳ) 3.0-ին ընդառաջ ԱՍԳ իրականացման առաջընթացի ամփոփում և «ԱՍԳ գործընկերների աջակցության համակարգման պլանի» պաշտոնական շնորհանդեսը։ Ողջույնի ելույթներ՝ Շրջակա միջավայրի նախարար Հակոբ Սիմիդյան, ԱՍԳ գործընկերության աջակցման գրասենյակի գլոբալ տնօրեն Պաբլո Վիեյրա, ՄԱԿ-ի Զարգացման ծրագրի մշտական ներկայացուցիչ Նաթիա Նացվլիշվիլի: ՀՀ ՇՄՆ, հեռ. (+374 011) 818-559:
Ժամը 13:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա Երևանի քաղաքապետարանի «Կանաչապատում եւ շրջակա միջավայրի պահպանություն» ՀՈԱԿ-ի տնօրեն Արմեն Բեգոյանի, «Կանաչապատում եւ շրջակա միջավայրի պահպանություն» ՀՈԱԿ-ի զարգացման գծով տնօրենի տեղակալ Արթուր Խալաթյանի, «Կանաչապատում եւ շրջակա միջավայրի պահպանություն» ՀՈԱԿ-ի գլխավոր դենգրոլոգ Արծվի Գրիգորյանի ասուլիսը։ Թեմա. Երևանում մեկնարկել են վթարային, տապալման ենթակա, չորացած ծառերի զանգվածային հատման աշխատանքները։
Ժամը 13:00-ին ՀՀ քաղաքաշինության կոմիտեի Ալ.Թամանյանի անվան ճարտարապետության ազգային թանգարան-ինստիտուտում /մուտքը՝ Ալ.Թամանյանի կիսանդրու մոտից/ կկայանա «Երևանը երեկ և այսօր» ցուցահանդեսի բացման արարողությունը՝ նվիրված Երևանի գլխավոր հատակագծի 100-ամյակին։
Ժամը 18:00-ին Մատենադարանում «Հիշողության կերպարանքները» միջազգային սեմինարի շրջանակում, «Արարատ Բանկ»-ի աջակցությամբ կբացվի ձեռագրերի կենսաքիմիական հետազոտության լաբորատորիան։ Ձեռագրերի պահպանման արդիական այս ենթակառուցվածքն ստեղծվում է «Արարարտ Բանկ»-ի ֆինանսական աջակցությամբ։ Լաբորատորիայի շնորհանդեսին կհաջորդի Հայաստանի տարբեր մշակութային կառույցների՝ Մատենադարանի աշխատակիցների վերականգնած գրավոր նմուշների ցուցադրությունը՝ «Մատենադարանի ճառագող առաքելությունը» խորագրով։ Նոր ցուցադրությունը կբացվի ժամը 18։30-ին։ Ժամը 19։00-ին կկայանա «Ավետիս» լարային քառյակի համերգը։
Կուսակցություններ, ՀԿ-ներ, միջազգային կազմ-ներ
Ժամը 09:00-ին «Ռեդիսոն Բլու Հոթել Երեւան» հյուրանոցի «Armenia Ballroom» կոնֆերենս սրահում (Ազատության 2/2) «Հայ-ամերիկյան առողջության կենտրոն» հիմնադրամը Կլինիկական ախտաբանների և բջջաբանների հայկական ասոցիացիայի հետ համատեղ կազմակերպում է կրեդիտավորված երկօրյա գիտաժողով՝ նվիրված կրծքագեղձի քաղցկեղի ախտորոշման, բուժման եւ վարման ժամանակակից մոտեցումներին ու հարցերին: Գիտաժողովի ընթացքում մասնակիցները կլսեն տեղական և արտասահմանյան մասնագետների դասախոսություններ, կծանոթանան միջազգային փորձին, հնարավորություն կունենան ակտիվ քննարկումների։ Աննա Տատինցյան, հեռ. 093 861411:
Ժամը 14:00-ին Գյումրիում՝ Շիրակացու 8/8 հասցեում տեղի կունենա Իմփաքթ Հաբ Գյումրիի և ԿՐԵԼԱԲ Շիրակի առաջին տարեդարձին նվիրված միջոցառում, որի շրջանակներում կներկայացվեն մեկ տարվա ընթացքում իրականացված դասընթացների շրջանավարտների արդյունքները։ Միջոցառման ընթացքում ողջույնի խոսքով հանդես կգան Հայաստանում Միացյալ Թագավորության դեսպան Ջոն Գալագերը և «Իմփաքթ Հաբ Արմենիա» սոցիալական նորարարության զարգացման հիմնադրամի գործադիր տնօրեն Գևորգ Պողոսյանը: Միջոցառման շրջանակներում տեղի կունենա շրջայց ԿՐԵԼԱԲ կենտրոնի կավագործության, լուսանկարչության, գորգագործության և կարի նոր սենյակներով։ Լրատվամիջոցներին հրավիրում ենք՝ մասնակցելու ու լուսաբանելու միջոցառումը, որտեղ նաև հնարավորություն կտրվի հարցազրույցներ ունենալ կազմակերպիչների հետ՝ ժամը 15:00-ից սկսած:
Ժամը 14:30-ին Հայաստանում ֆրանսիայի դեսպանությունում /Սբ. Գրիգոր Լուսավորիչ 8/ տեղի կունենա մամուլի ասուլիս՝ նվիրված Գոնկուր մրցանակի հայաստանյան ընտրությանը: Մամուլի ասուլիսին հակիրճ ելույթներով հանդես կգան և լրատվամիջոցների՝ թեմային առնչվող հարցերին կպատասխանեն. Գոնկուր մրցանակի ժյուրիի անդամ Պասկալ Բրուկները, Նյումեգ հրատարակչական ընկերության հիմնադիր տնօրեն Արտակ Ալեքսանյանը, Հայաստանում Ֆրանսիայի դեսպան Օլիվիե Դըկոտինյին։ Նախատեսված է ֆրանսերենից հայերեն և հայերենից ֆրանսերեն հաջորդական թարգմանություն։ Խնդրում ենք ներկայանալ ասուլիսի մեկնարկից առնվազն 15 րոպե շուտ՝ անձը հաստատով փաստաթղթով:
Ժամը 15:00-ին Հայաստանի դեմոկրատական կուսակցության կենտրոնական գրասենյակում (Փ.Բուզանդի 1/3, 2-րդ հարկ՝ աջ կողմի աստիճաններով) «Միասին» այլընտրանքային հասարակական-քաղաքական շարժումը հրավիրում է կլոր սեղան՝ «Googlemaps-ի կեղծարարությամբ ՀՀ տարածքները «դարձան» Ադրբեջան» խորագրով։ Հիմնական զեկուցող՝ Հրանտ Բագրատյան, ով կներկայացնի 1987թ. ստորագրված եռակողմ արձանագրությունը՝ Հայաստանի և Ադրբեջանի միջև սահմանազատման մասին։ «Միասին» շարժման համակարգող խորհուրդ, 010 52-52-73:
Մամուլի ակումբներ
Ժամը 12:00-ին Մեդիա կենտրոնում տեղի կունենա քննարկում՝ «Տնային կալանքը Հայաստանում. ի՞նչ իրավունքներ են խախտվում»: Բանախոսներ՝ Քաղաքացիական հասարակության ինստիտուտի տնօրեն Արտակ Կիրակոսյան, «Իրավունքի կենտրոն» ՀԿ փորձագետ Տաթևիկ Ղարիբյան, քննարկմանը մասնակցելու հրավեր է ուղարկվել նաև ՀՀ արդարադատության նախարարություն։
Ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս՝ «Հայ ժողովրդի մարդկային կապիտալը» թեմայով: Սանկտ Պետերբուրգի «Սուպեր» հրատարակչությունում լույս է տեսել Հայաստանում հայտնի լրագրող Էդվարդ Սախինովի «Հայ ժողովրդի մարդկային կապիտալը» գիրքը: Ժողովածուն պատմում է աշխատանքային բարձունքների հասած ավելի քան 50 հայի մասին: Գրքի հեղինակ Էդվարդ Սախինովը կպատմի, թե ինչ սկզբունքով են ընտրվել ժողովածուի առաջին 50 հերոսները, որոնց թվում կան աշխարհահռչակ անձինք և ոչ այնքան հայտնի գործիչներ, և կշարունակվի՞ արդյոք այս հետաքրքիր նախաձեռնությունը։
Մշակույթ
Ժամը 17:00-ին Հայաստանի նկարիչների միությունում կկայանա Մեխակ էլբակյանի գրքի շնորհանդեսը և ցուցահանդեսը: