4 րոպեի ընթերցում
ՍԵՊՏԵՄԲԵՐԻ 28
ԱՆՈՆՍ
Պետական կառույցներ
Ժամը 12:00-ից Եղվարդի օդանավակայանում ՀՀ Զբոսաշրջության կոմիտեի աջակցությամբ կիրականացվի օդային փառատոն՝ Air Fest V-ն: Ժամը 12:00-ից երկնքում կհայտնվեն տարատեսակ թռչող սարքեր՝ ինքնաթիռներ, պարապլաններ, ուղղաթիռներ, օդապարիկներ և դրոններ՝ համալրված օդային շոու ծրագրերով:
Փառատոնի մասնակիցները հնարավորություն կունենան մասնակցելու ժամանցային ծրագրերի ու խաղարկությունների, թռիչքների՝ ուղղաթիռով, ինքնաթիռով և պարապլանով: Միջոցառման երաժշտական մասը նույնպես խոստումնալից է. համերգային ծրագրում ելույթ կունենա Ափօ Սահակյանը և «Կաթիլ» բենդը: Air Fest-ի շրջանակում կանցկացվի նաև պանելային քննարկում՝ «Հայաստանի ընդհանուր ավիացիայի ապագան. հնարավորություններն ու տեխնոլոգիաները, ազդեցությունը տնտեսության և զբոսաշրջության վրա» թեմայով:
Air Fest V-ն նվիրված է Հայաստանում փոքր ավիացիայի զարգացմանը, նրա ներուժին: Մանվել, Սաթեն: Tourism Committee|Ministry of Economy Legal Advisor Anahit Baghdasaryan, +374 99 411111: Փառատոնի հանրային կապերի համակարգող Սոսե Զաքարյան, հեռ. +374 94 422282:
Ժամը 12:00-ին ՀՀ ԲՏԱ նախարարության շենքի հարակից տարածքից (Վազգեն Սարգսյան 3/3) կմեկնեն Դիլիջան, որտեղ ՀՀ կենտրոնական բանկի «Դիլիջան ուսումնահետազոտական կենտրոն»-ում տեղի կունենա «Ներուժ 5.0» սփյուռքի տեխնոլոգիական ստարտափների ծրագրի պաշտոնական փակման արարողությունը: ՀՀ ԲՏԱ նախարարություն:
Ժամը 15:00-ին Արարատյան Հայրապետական թեմի առաջնորդանիստ Սուրբ Սարգիս եկեղեցուց (ք.Երևան, Իսրայելյան 21) Սրբալույս Մյուռոնի օրհնության արարողությունը լուսաբանելու համար հավատարմագրված լրագրողներին տեղափոխող փոխադրամիջոցը Սուրբ Էջմիածին կմեկնի: (Մյուռոնի օծման արարողության սկիզբը՝ ժամը 17։00-ին)։
Լրատվամիջոցների ներկայացուցիչների աշխատանքի արդյունավետ կազմակերպման համար Մայր Աթոռի «Վաչե և Թամար Մանուկյան» մատենադարանում կգործի մամուլի կենտրոն:
Հարցերի համար զանգահարել՝ 010517172, 091427747 հեռախոսահամարներով (Հռիփսիմե Առաքելյան)։
ուսակցություններ, ՀԿ-ներ, միջազգային կազմ-ներ
Ժամը 10:00-ին «Իբիս Երևան Սենթր» հյուրանոցի «Արարատ» սրահում /Հյուսիսային պողոտա 5/1 շենք/ ԵՄ ֆինանսական աջակցությամբ իրականացվող «Իրավունքներ, ծառայություններ, մասնակցություն. Հայաստանում հոգեկան առողջության համապարփակ շրջանակի խթանում» ծրագրի շրջանակում Հոգեկան առողջության հայկական ասոցիացիայի կողմից կազմակերպվելու է ՀՀ հանրակրթական ուսումնական հաստատությունների հոգեբանների վերպատրաստումների երկրորդ փուլը։ Ծրագիրն իրականացվում է Հելսինկյան քաղաքացիական ասամբլեայի Վանաձորի գրասենյակի, Հոգեկան առողջության հայկական ասոցիացիայի, Ժողովրդավարության զարգացման հիմնադրամի, «Հաշմանդամություն ունեցող անձանց իրավունքների օրակարգ» իրավապաշտպան ՀԿ-ի գործընկերությամբ և ՀՀ ԿԳՄՍ, ՀՀ առողջապահության, ՀՀ ԱՍՀ նախարարությունների հետ համագործակցությամբ։ Հոգեկան առողջության հայկական ասոցիացիայի թիմ, Իրինա Բարթիկյան 098357236:
Մշակույթ
Ժամը 14:00-ին Հայաստանի բնության պետական թանգարանում կկայանա նկարիչ-գնդապետ Արմեն Սողոմոնյանի անհատական ցուցահանդեսի բացումը՝ «Բնության գույների կախարդանքը» խորագրով: Ցուցադրվելու են Ա.Սողոմոնյանի վերջին աշխատանքները, որոնք արտացոլում են նրա սերը հայրենի բնության հանդեպ։ Արեգ Մարտիրոսյան, հեռ. 098 002971:
Ժամը 18:00-ին Շիրակի մարզի Անի համայնքի Իսահակյան բնակավայրում՝ Ավետիք Իսահակյանի արձանի մոտ, տեղի կունենա մուլտֆիլմի շնորհանդես, իսկ սեպտեմբերի 30-ին՝ ժամը 14:00-ին, մուլտֆիլմը կցուցադրվի Երևանում՝ Ավետիք Իսահակյանի տուն-թանգարանում: ԱՊԱՀՈՎՈՒՄ ԵՆՔ ՏԵՂԱՓՈԽՈՒՄԸ: Ավ. Իսահակյանի տուն-թանգարան, հեռ․/Tel +374 (010) 58 73 80, .+374 (010) 56 24 24