6 րոպեի ընթերցում
ԱՆՈՆՍ
27 սեպտեմբեր, 2024
ՀՀ ԱԺ
Ժամը 11:30-ին Ազգային ժողովի 414 սրահում կկայանա Պաշտպանության եւ անվտանգության հարցերի մշտական հանձնաժողովի նիստը:
Ժամը 12:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա «Արենի փառատոն հիմնադրամ»-ի տնօրեն Նունե Մանուկյանի, Տուրիզմի hայկական ֆեդերացիայի նախագահ Մեխակ Ապրեսյանի, Արենի համայնքապետարանի աշխատակազմի առաջատար մասնագետ Նորայր Գրիգորյանի ասուլիսը։ Թեմա. արդեն 16-րդ անգամ հոկտեմբեր ամսվա առաջին շաբաթ օրը Վայոց Ձորի մարզի Արենի գյուղում կազմակերպվում է ավանդական դարձած «Արենի գինու փառատոն»-ը։
Կուսակցություններ, ՀԿ-ներ, միջազգային կազմ-ներ
Ժամը 10:00-ին «ԴաբլԹրի Բայ Հիլթոն» հյուրանոցում (Գր.Լուսավորչի 4/2) տեղի կունենա Հայկական ակնաբուժության նախագծի եւ Լոս Անջելեսի մանկական հիվանդանոցի 22-րդ ակնաբուժական միջազգային համաժողովի բացումը: Ամենամյա ակնաբուժական ամենամեծ հավաքին մասնակելու եւ ելույթներիով հանդես գալու համար Հայաստան են ժամանել ավելի քան երկու տասնյակ ակնաբույժներ՝ աշխարհի առաջատար ակնաբուժական կենտրոններից եւ հիվանդանոցներից:
Մամուլի ակումբներ
Ժամը 11:00-ին Մեդիա կենտրոնում տեղի կունենա մամուլի ասուլիս՝ «Բարձրագույն կրթության և գիտության մասին նոր օրենք. գիտուժի ու գիտական համայնքի արձագանքը» թեմայով։ Բանախոսներ՝ Robomart-ի համահիմնադիր, գլխավոր տեխնոլոգիական տնօրեն, Գիտուժի անդամ Տիգրան Շահվերդյան, EarlyOne-ի հիմնադիր, Limetech-ի հիմնադիր, ԱՏՁՄ և Գիտուժի անդամ Գևորգ Սաֆարյան, ՀՀ ԳԱԱ Մոլեկուլային կենսաբանության ինստիտուտի տնօրեն Արսեն Առաքելյան: ՀՀ ԿԳՄՍ նախարարությունը շրջանառության մեջ է դրել «Բարձրագույն կրթության և գիտության մասին» օրենքի և հարակից այլ օրենքների նախագծերի փոփոխություններ ու լրացումներ կատարելու մասին նախագիծ։
Ժամը 12:00-ին Sputnik Արմենիա մուլտիմեդիոն մամուլի կենտրոնում տեղի կունենա մամուլի ասուլիս՝ «Հայաստանը ԵԱՏՄ-ում և Եվրասիական մեծ տարածքը» թեմայով, որի ընթացքում կներկայացվի համանուն գիրքը։ Գիրքը լույս է տեսել Երևանում ԵԱՏՄ միջկառավարական խորհրդի նիստի և 2024-ի Եվրասիական տնտեսական ֆորումի նախօրեին, որը նվիրված է նաև ԵԱՏՄ 10-ամյակին։ Բանախոսներ՝ ԵՊՀ ռուսական հետազոտությունների կենտրոնի տնօրեն, դոցենտ Արամ Սաֆարյան, կենտրոնի փորձագետ, դոցենտ Գրիգոր Բալասանյան:
Ժամը 12:00-ին Մեդիա կենտրոնում տեղի կունենա քննարկում՝ «Ի՞նչ բացահայտեց ֆլեշմոբը. որքանո՞վ են մատչելի թեքահարթակները Երևանում» թեմայով։ Բանախոսներ՝ ֆլեշմոբը նախաձեռնած Ինքնակրթման հարթակի խորհրդի անդամ Տաթևիկ Սահակյան-Շամիրզայան, «Ունիսոն» ՀԿ նախագահ Արմեն Ալավերդյան, «Հավասար իրավունքներ, հավասար հնարավորություններ» հաշմանդամություն ունեցող անձանց իրավունքների պաշտպանության ՀԿ նախագահ Անուշ Ասլանյան: Քննարկմանը մասնակցելու հրավեր է ուղարկվել նաև Երևանի քաղաքապետարան։
Ժամը 13:00-ին «Հենարան» մամուլի ակումբում /Թումանյան 32/ կհյուընկալվի ՀՀԿ ԳՄ անդամ Սամվել Նիկոյանը։ Թեմա՝ կորսված Արցախ. հայ-թուրքական հարաբերություններն ու Հայաստանի անվտանգության ռիսկերը. աշխարհաքաղաքական զարգացումների ազդեցությունը տարածաշրջանում։
Մշակույթ
Ժամը 18:00-ին Աբովյան 7 հասցեում «Վերնատուն» հրատարակչությունը և «Զանգակ» գրատունը հրավիրում են նիդերլանդցի դասական Հարի Մյուլիշի գլուխգործոցի՝ «Երկնքի հայտնագործումը» վեպի հայերեն հրատարակության շնորհանդեսին: Գիրքը հրատարակվել է Գրականության հոլանդական հիմնադրամի և Հայաստանում Նիդերլանդների Թագավորության դեսպանության ֆինանսական աջակցությամբ: Կոթողային այս երկը քննադատները դասում են քսաներորդ դարի լավագույն վեպերի շարքին: Այն անտեսանելի հաղորդակցություն է Երկնքի արքայության և Երկրի բնակիչների միջև: Շնորհանդեսին ներկա կլինի Հայաստանում Նիդերլանդների Թագավորության դեսպան Յապ Ֆրեդերիքսը: Միջոցառման բանախոսներն են գրքի թարգմանիչ Աննա Մարիա Մատտաարը և խմբագիր Արմեն Սարգսյանը, շնորհանդեսը կվարի գրականագետ Աստղիկ Օհանյանը:
ԲՈՒՀ-եր
ժամը 9:15-ին ԵՊԲՀ-ում կանցկացվի Հայկական ուրոլոգիական ասոցիացիայի 24-րդ տարեկան կոնգրեսը, որը նվիրված է ասոցիացիայի հիմնադրման 25-ամյակին: Համագումարը ներկայացուչական է, հանրապետության և արտերկրի բժիշկների լայն ընդգրկմամբ: Հագեցած միջոցառման երկրորդ օրը` սեպտեմբերի 28-ին, կանցկացվի Եվրոպական ուրոլոգիական դպրոցի դասընթացը, որը կհամախմբի անվանի բժիշկ-գիտնականների, մասնագետների, աշխարհի տարբեր անկյուններից: Վայրը՝ Կարմիր դահլիճ, վարչական մասնաշենք 1-ին հարկ: (Հարցերի դեպքում զանգահարեք 010 301 000 ներքին 211)