2 րոպեի ընթերցում
ԱՆՈՆՍ
26 սեպտեմբեր, 2024
ՀՀ ԱԺ
Ժամը 13:30-ին Ազգային ժողովի 414 սրահում նիստ կգումարի Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովը:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 15:00-ին Պանթեոնում Կոմիտասի ծննդյան 155-ամյակի առթիվ մի խումբ մտավորականներ և Կոմիտասի թանգարան-ինստիտուտի աշխատակազմը ծաղիկներ կխոնարհեն Վարդապետի շիրմին. պանթեոնում կանցկացվի նաև հոգեհանգստյան կարգ։ Ժամը 16։00-ին Կոմիտասի թանգարան-ինստիտուտում ՀՀ ԿԳՄՍ նախարարության աջակցությամբ և ֆինանսավորմամբ կբացվի «Փարիզյան հանդիպումներ» խորագիրը կրող ժամանակավոր ցուցահանդես, որը նվիրված է հայ դաշնակահարուհի, երգչուհի, երաժշտագետ, մանկավարժ, Կոմիտաս վարդապետի մտերիմ բարեկամ Մարգարիտ Բաբայանի ծննդյան 150-ամյակին։ Ցուցադրության շրջանակում կներկայացվեն շուրջ 150 արխիվային փաստաթղթեր, լուսանկարներ, Ե.Չարենցի անվան գրականության և արվեստի թանգարանից՝ վավերագրեր և լուսանկարներ, Հայաստանի ազգային պատկերասրահից՝ կտավներ, ինչպես նաև Կոմիտասի թանգարան-ինստիտուտից՝ Լալուա ընտանիքի արխիվի փաստաթղթեր։ Ժամանակավոր ցուցադրությանն աջակցել են նաև ՀՀ-ում Ֆրանսիայի դեսպանությունը, Հայաստանի ֆրանսիական համալսարանը, «Արդշինբանկը», «Վելոիա Ջուր» ընկերությունը, «Արարատ» կոնյակի գործարանը։ ՀՀ ԿԳՄՍՆ