Նյու Յորքում կայացել է Փաշինյան-Էրդողան հանդիպումը

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ։ Միավորված ազգերի կազմակերպության Գլխավոր ասամբլեայի 79-րդ նստաշրջանի շրջանակներում Նյու Յորքում կայացել է Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը։

«Արմենպրես»-ի փոխանցմամբ՝ հանդիպման մասին վկայող լուսանկարներ են հրապարկվել ՀՀ վարչապետի սոցցանցային էջերում։

Հայկական կողմից հանդիպմանը ներկա են եղել ՀՀ արտաքին գործերի նախարար Արարատ Միրզոյանը, վարչապետի մամուլի խոսնակ Նազելի Բաղդասարյանը, ԱԳ նախարարի տեղակալ Վահան Կոստանյանը։ 

Այլ մանրամասներ դեռևս հայտնի չեն։ 

ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ սեպտեմբերի 22-27-ն աշխատանքային այցով մեկնել է Ամերիկայի Միացյալ Նահանգներ։ Նյու Յորքում ՄԱԿ-ի Գլխավոր վեհաժողովի 79-րդ նստաշրջանի շրջանակում ՀՀ վարչապետը մասնակցել է Ապագայի գագաթնաժողովին: Միջոցառմանը մասնակցել են նաև աշխարհի մի քանի տասնյակ պետությունների նախագահներ և կառավարությունների ղեկավարներ:

Նիկոլ Փաշինյանն այս ընթացքում հանդիպումներ և քննարկումներ է ունենում մի շարք երկրների և կառույցների ղեկավարների հետ։