2 րոպեի ընթերցում
ԱՆՈՆՍ
23 սեպտեմբեր, 2024
Պետական կառույցներ
ժամը 09։30-ին Երևանի քաղաքապետարանում տեղի կունենա գործակարգավարական խորհդակցություն։
Ժամը 11:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա «Հայ-չինական գործընկերության կենտրոն» հասարակական կազմակերպության նախագահ Արմեն Մխիթարյանի ասուլիսը։ Թեմա. Չինաստանում անցկացվելու են Հայաստանի մշակույթի օրեր. սպասվող միջոցառումներն ու առաջիկա ծրագրերը։
Ժամը 12:00-ին Ալ.Սպենդիարյանի անվան օպերայի և բալետի ազգային ակադեմիական թատրոնում Կարեն Դուրգարյանը և Լա Սկալա թատրոնի Կատարողական արվեստների և արհեստների ակադեմիայի գործադիր տնօրեն Լուիզա Վինչին կստորագրեն համագործակցության հուշագիր: Ստորագրման արարողությանը ներկա կլինի ԿԳՄՍ նախարարի տեղակալ Դանիել Դանիելյանը։ Հուշագրով «Ալ.Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ը և Լա Սկալա թատրոնի Կատարողական արվեստների և արհեստների ակադեմիան պարտրաստակամություն են հայտնում նպաստելու երկու հաստատություններում կատարողական արվեստի զարգացմանը, թատրոնների միջև համագործակցության խթանմանը։ Հուշագրի ստորագրմանը կհաջորդի ԿԳՄՍ նախարարի տեղակալ Դանիել Դանիելյանի, Ալ.Սպենդիարյանի անվան օպերայի և բալետի ազգային ակադեմիական թատրոնի տնօրեն Կարեն Դուրգարյանի և Լա Սկալա թատրոնի Կատարողական արվեստների և արհեստների ակադեմիայի գործադիր տնօրեն Լուիզա Վինչի մամուլի ասուլիսը։ ՀՀ ԿԳՄՍՆ: