396.83
Սաուդյան Արաբիայի թագավորը և թագաժառանգը շնորհավորել են Հայաստանի անկախության օրը
1 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ։ Սաուդյան Արաբիայի թագավոր Սալման իբն Աբդել Ազիզ Ալ Սաուդը և թագաժառանգ և վարչապետ Մուհամմեդ բեն Սալման բեն Աբդել Ազիզ Ալ Սաուդը շնորհավորական հեռագրեր են հղել Հայաստանի Հանրապետության նախագահ Վահագն Խաչատուրյանին՝ Անկախության օրվա առթիվ:
«Երկու Սուրբ Մզկիթների պահապան թագավոր Սալման իբն Աբդել Ազիզ Ալ Սաուդը ու թագաժառանգ և վարչապետ Նորին Արքայական Մեծություն արքայազն Մուհամմեդ բեն Սալման բեն Աբդել Ազիզ Ալ Սաուդը շնորհավորական հեռագրեր են հղել Հայաստանի Հանրապետության նախագահ Վահագն Խաչատուրյանին՝ երկրի Անկախության օրվա առթիվ:
Երկու Սուրբ Մզկիթների պահապանը և թագաժառանգը Խաչատուրյանին մաղթել են քաջառողջություն և երջանկություն, իսկ Հայաստանի Հանրապետության կառավարությանն ու ժողովրդին ՝ կայուն առաջընթաց և բարգավաճում»,- «Արմենպրես»-ի փոխանցմամբ՝ ասված է Սաուդյան Արաբիայի կառավարության կայքէջում տարածած հաղորդագրության մեջ։
Բաժանորդագրվեք մեր ալիքին Telegram-ում