2 րոպեի ընթերցում
Սեպտեմբերի 21, ԱՆՈՆՍ
Պետական կառույցներ
Ժամը 15:00-ին Հայաստանի պատմության թանգարանում կկայանա «Մայր աստվածություն. Անահիտից Մարիամ» խորագրով ցուցադրության բացման արարողությունը, որի շրջանակում Հայաստանում առաջին անգամ կցուցադրվեն հեղինակավոր Բրիտանական թանգարանից տեղափոխված Անահիտ աստվածուհու հայտնի բրոնզե արձանի գլուխը և ձեռքը։ Ցուցադրության շրջանակում Հայաստանի պատմության թանգարանի հարուստ հավաքածուից կներկայացվի նաև ավելի քան վեց տասնյակ ցուցանմուշ՝ ամփոփելով Մայր աստվածության գաղափարը նեոլիթյան ժամանակաշրջանից մինչև մեր օրեր։ Ցուցադրությունն անցկացվում է ՀՀ ԿԳՄՍ նախարարության աջակցությամբ։ Ցուցադրության գլխավոր հովանավորն է «Կերոն» զարգացման հիմնադրամը։ Փակ շրջայցը նախատեսված է միայն լրատվականների համար և հանրայնացման ու տարածման ենթակա չէ:
ԲՈՒՀ-եր, կրթական հաստատություններ
Ժամը 10:30-ին ԵՊՀ Շառլ Ազնավուրի անվան մշակույթի կենտրոնի դահլիճում տեղի կունենա երգչախմբային հետազոտական շրջայցի /Study tour to Armenia for conductors and vocal leaders-ի/ բացման հանդիսավոր արարողությունը։ Հայաստանում առաջին անգամ կկայանա երգչախմբային հետազոտական բացառիկ շրջայց, որը տեղի կունենա սեպտեմբերի 20-26-ը Երևանում՝ Եվրոպական երգչախմբային ասոցիացիայի (European Choral Association) հավատարմագրմամբ: «Հայ մշակույթի միջազգային ասոցիացիա» ՀԿ- նախագահ՝ Կարինե Դավթյան, հեռ.+374 55 57 14 05: