3 րոպեի ընթերցում
ԱՆՈՆՍ
19 սեպտեմբեր, 2024
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
ժամը 10:00-ից «Մերիդիան» էքսպո կենտրոնում իր աշխատանքը կշարունակի Համաշխարհային հայկական երկրորդ գագաթնաժողովը /սեպտեմբերի 17-20-ը/: Գագաթնաժողովին կհյուրընկալի 1000 մասնակցի 55 երկրից:
Կուսակցություններ, ՀԿ-ներ, միջազգային կազմ-ներ
Ժամը 14:45-ին ՀՀ-ում Գերմանիայի դեսպանությունում կկայանա մամուլի ասուլիս: Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը սեպտեմբերի 18-19-ը կայցելի Հայաստան։ Այցի թեմաներն են աջակցությունը Հայաստանի քաղաքական բարեփոխումներին, Հայաստանի մերձեցումը Եվրամիությանը, Ադրբեջանի հետ խաղաղության շուրջ բանակցությունները և անվտանգային իրավիճակը Հարավային Կովկասում։ Ասուլիսի ընթացքում Միխայել Ռոթը կներկայացնի իր այցի նպատակներն ու արդյունքները։ Լեզուն՝ գերմաներեն-հայերեն։ Մուտք գործելու համար պահանջվում է անձը հաստատող փաստաթուղթ՝ լուսանկարով։
ԲՈՒՀ-եր, կրթական հաստատություններ
Ժամը 10:00-ին ԵՊՀ գիտական խորհրդի նիստերի դահլիճում (կենտրոնական մասնաշենք, 5-րդ հարկ) ԵՊՀ-ն, ՀՀ ԳԱԱ պատմության ինստիտուտը, Կալիֆոռնիայի նահանգային համալսարանի Նորթրիջի հայկական ուսումնասիրությունների ծրագրի (ԱՄՆ) և Պոտսդամի Լեփսիուսի տուն-թանգարանի (Լեփսիուսհաուս, Գերմանիա) հետ համագործակցության շրջանակում հրավիրում է մասնակցելու ավստրիացի գրող և մարդասեր Ֆրանց Վերֆելի՝ 1915 թ. թուրքական ջարդարարների դեմ Կիլիկիայի սահմանակից Սուեդիայի շրջանի հայության հերոսական պայքարի մասին պատմող «Մուսա լեռան քառասուն օրը» վեպի 90-ամյակին նվիրված միջազգային գիտաժողովին։ Գիտաժողովի աշխատանքային լեզուներն են՝ հայերեն, անգլերեն: Գիտաժողովն անցկացվում է ՀՀ ԿԳՄՍ նախարարության բարձրագույն կրթության և գիտության կոմիտեի բազային ֆինանսավորմամբ իրականացվող ծրագրի շրջանակում։
Ժամը 13:00-ին ԵՊԲՀ-ի՝ Աբովյան 50/5 հասցեում գտնվող դահլիճում ԵՊԲՀ «Հերացի» վերլուծական կենտրոնի կողմից կանցկացվի «Մարդու պապիլոմավիրուսային վարակի կանխարգելման հիմնական մոտեցումները» թեմայով համաժողով: ԵՊԲՀ հասարակայնության հետ կապերի բաժին 010 301 000 ներքին 211: