2 րոպեի ընթերցում
Նախարարություններ
ժամը 10:00-ին ՀՀ կրթության, գիտության, մշակույթի և սպորտի նախարարությունում (Վազգեն Սարգսյան 3, Կառավարական տուն 2, 8-րդ հարկ) տեղի կունենա ԿԳՄՍ նախարարության և ՀՀ-ում Ֆրանսիայի Հանրապետության դեսպանության միջև փաստաթղթերի ստորագրման արարողություն, որը կիրականացնեն ՀՀ ԿԳՄՍ նախարար Ժաննա Անդրեասյանն ու ՀՀ-ում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյին:
Փաստաթղթերը նվիրված կլինեն ՀՀ հանրակրթական ուսումնական հաստատություններում ֆրանսերենի դասավանդման խթանմանն ու զարգացմանը, ինչպես նաև ՀՀ ավագ դպրոցներում ֆրանսերենի խորացված ուսուցում և լրացուցիչ ֆրանկոֆոն ծրագրի իրականացմանը:
Պետական կառույցներ
Ժամը 09:30-ին Արարատյան Հայարապետական թեմի առաջնորդանիստ Սուրբ Սարգիս եկեղեցուց (Իսրայելյան 21) լրագրողներին տեղափոխող փոխադրամիջոցը կմեկնի Սուրբ Էջմիածին, որտեղ ժամը 10:30-ին, Մայր Աթոռ Սուրբ Էջմիածնի «Վաչե և Թամար Մանուկյան» մատենադարանում՝ Սրբալույս Մյուռոնի օրհնության և Մայր Տաճարի վերաօծման արարողություններին ընդառաջ կկայանա շրջայց Մայր Տաճարում, այնուհետև մամուլի ասուլիս:
Բանախոսներ՝ Մայր Տաճարի վերաօծման, Մյուռոնօրհնության և հարակից միջոցառումների կազմակերպման համակարգող հանձնախմբի ատենապետ, Մայր Աթոռի Դիվանապետ Գերաշնորհ Տ. Արշակ արքեպիսկոպոս Խաչատրյան և հրատարակությունների ու միջոցառումների կազմակերպման հանձնախմբի ատենապետ, Մայր Աթոռի արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյան։
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում Լեհաստանում կայանալիք կարատեի Եվրոպայի առաջնությանը ընդառաջ տեղի կունենա աշխարհի և Եվրոպայի գործող չեմպիոն Կամո Հունանյանի մամուլի ասուլիսը: