4 րոպեի ընթերցում
ԱՆՈՆՍ
16 սեպտեմբեր, 2024
ՀՀ ԱԺ
Ժամը 11:00-ից ԱԺ 334 դահլիճում ԱԺ հերթական նիստերին հաջորդող խորհրդարանական ճեպազրույցները տեղի կունենան՝ հետեւյալ ժամանակացույցով. ՀՀ ԱԺ «Քաղաքացիական պայմանագիր» խմբակցություն - 11:00-11:20, ՀՀ ԱԺ «Պատիվ ունեմ» խմբակցություն - 11:20-11:40, ՀՀ ԱԺ «Հայաստան» խմբակցություն - 11:40-12:00:
ՀՀ նախարարություններ
Ժամը 09։15-ին ՀՀ արտաքին գործերի նախարարությունում կկայանա Հայաստանի արտաքին գործերի նախարար Արարատ Միրզոյանի և Ֆրանսիայի Եվրոպայի և արտաքին գործերի նախարար Ստեֆան Սեժուրնեի մամուլի ասուլիսը։
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա Հայաստանում Ֆրանսիայի դեսպանատան մշակութային կցորդ, Հայաստանի ֆրանսիական ինստիտուտի գործադիր տնօրեն Դեյվիդ Տուրցի, Ֆրանսիական համալսարանի ռեկտոր Սալվա Նակուզիի, Newmag հրատարակչության հիմնադիր տնօրեն Արտակ Ալեքսանյանի ասուլիսը։ Թեմա. FrancoFest 2024. աննախադեպ գրական իրադարձություն. Հայաստանը միանում է Ֆրանսիայի գլխավոր գրական մրցանակաբաշխությանը՝ «Գոնկուր»-ին։
Ժամը 15:30-ին «Incourt Tennis Club»-ում (Ծիծեռնակաբերդի խճուղի 7/1) ՀՀ ԿԳՄՍ նախարարությունը, Հայաստանի թենիսի ֆեդերացիան և «Կերոն» զարգացման հիմնադրամը հրավիրում են լրատվամիջոցներին՝ հայ թենիսիստուհի Էլինա Ավանեսյանի մասնակցությամբ մամուլի ասուլիսի: Ասուլիսի բանախոսներ՝ ՀՀ ԿԳՄՍ նախարարի տեղակալ Կարեն Գիլոյան, թենիսիստուհի Էլինա Ավանեսյան (առաջին հայ մարզիկը, ով WTA վարկանիշային աղյուսակում բարձրացել է 50-րդ հորիզոնական), Հայաստանի թենիսի ֆեդերացիայի գործադիր տնօրեն Գևորկ Կարամանուկյան, «Կերոն» զարգացման հիմնադրամի գործադիր տնօրեն Վանանե Արարքցյան: Էլինա Ավանեսյանը վերջերս ստացել է ՀՀ քաղաքացիություն՝ արդեն իսկ հանդես գալով թենիսի խոշոր մրցաշարերում Հայաստանի դրոշի ներքո: Անմիջապես ասուլիսից հետո Էլինա Ավանեսյանը կհանդիպի Արցախից եկած երեխաների հետ, կկիսվի իր ընտանիքի պատմությամբ և կոգևորի զբաղվել թենիսով՝ հանձնելով նրանց նվերներ: «Կերոն» զարգացման հիմնադրամ +374 55 22 01 47, +374 91 46 49 78:
Կուսակցություններ, ՀԿ-ներ, միջազգային կազմ-ներ
Ժամը 10:00-ին Երևանի «Courtyard by Marriott» հյուրանոցի «Queen» սրահում (Տերյան 5) ՀՀ աշխատանքի և սոցիալական հարցերի նախարարությունը «Դիմոքրասի Ինթերնեյշնլ» կազմակերպության հետ համատեղ հրավիրում է մասնակցելու «Ինչպես լուսաբանել մարդկանց թրաֆիքինգը կամ շահագործումը» թեմայով դասընթացին, որն իրականացվում է ԶԼՄ-ների և ՀՀ նախարարությունների հասարակայնության հետ կապերի բաժինների ներկայացուցիչների համար։ «Դիմոքրասի Ինթերնեյշնլ» կազմակերպության հանրային կապերի պատասխանատու Լիլիթ Առաքելյան, հեռ. +374 55 190708):
Մշակույթ
Ժամը 𝟏𝟗:𝟑𝟎-ին Արամ Խաչատրյան համերգասրահում կմեկնարկի «Արմենիա» միջազգային երաժշտական 𝟖-րդ փառատոնը։
Ծրագրում կհնչեն Գրիգոր Եղիազարյանի «Հայաստան» սիմֆոնիկ պոեմը, Ալեքսեյ Շորի Դաշնամուրի կոնցերտը՝ «Ճամփորդական նոթատետր», Սերգեյ Ռախմանինովի Դաշնամուրի թիվ 2 կոնցերտը։ Հայաստանի պետական սիմֆոնիկ նվագախմբի հետ ելույթ կունենա դաշնակահար Եկվոն Սունվուն։ Համերգը կղեկավարի դիրիժոր Սերգեյ Սմբատյանը։
«Արմենիա» միջազգային երաժշտական փառատոնը կազմակերպել է Հայաստանի պետական սիմֆոնիկ նվագախումբը՝ ՀՀ էկոնոմիկայի նախարարության Զբոսաշրջության կոմիտեի աջակցությամբ: Սիրով հրավիրում ենք լուսաբանելու։