ՀՀ ժողովրդական նկարիչ Հրանտ Թադևոսյանին շնորհվել է «Երևան քաղաքի մշակույթի պատվավոր գործիչ» կոչումը
1 րոպեի ընթերցում
![ՀՀ ժողովրդական նկարիչ Հրանտ Թադևոսյանին շնորհվել է «Երևան քաղաքի մշակույթի պատվավոր գործիչ» կոչումը](http://armenpress.am/resized/480/storage/images/articles/2024/09/06/AzljO5iXdcdR5LuJdf6o0FSA4d5VqFY3V7zGzQgK.webp)
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ։ Գեղանկարչության զարգացման գործում ներդրած նշանակալի ավանդի և ունեցած վաստակի համար Երևանի քաղաքապետ Տիգրան Ավինյանը ՀՀ ժողովրդական նկարիչ Հրանտ Թադևոսյանին շնորհել է «Երևան քաղաքի մշակույթի պատվավոր գործիչ» կոչումը:
«Արմենպրես»-ի փոխանցմամբ՝ այս մասին հաղորդագրություն է տարածել Երևանի քաղաքապետարանը։
Վարպետի արվեստանոցում քաղաքապետը ծանոթացել է կտավների պատմությանը, որոնք առանձնանում են իրենց բազմաժանր թեմատիկայով ու գույներով:
Նկարիչը ստեղծել է շուրջ 6000 կտավ: