ԱՄՆ-ն Գազայի հատվածում հրադադարի համաձայնագրի նոր տարբերակ կառաջարկի
1 րոպեի ընթերցում
![ԱՄՆ-ն Գազայի հատվածում հրադադարի համաձայնագրի նոր տարբերակ կառաջարկի](http://armenpress.am/resized/480/storage/images/articles/2024/09/02/kVhxnOZC7UTxaxVkrrlhId7uRt1lF9RmWOtWb3VW.webp)
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ։ Ամերիկայի Միացյալ Նահանգները մոտ է այս շաբաթ Գազայի հատվածում հրադադարի համաձայնագրի նոր տարբերակի ներկայացմանը:
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտարարել է ԱՄՆ նախագահ Ջո Բայդենը, Սպիտակ տանը պատասխանելով լրագրողների այն հարցին, թե արդյոք նա ծրագրում է այս շաբաթ Իսրայելին և ՀԱՄԱՍ-ին փոխանցել Գազայի հատվածում հրադադարի վերաբերյալ համաձայնագրի նոր, վերջնական նախագիծ։
Ավելի վաղ՝ Axios պորտալը վկայակոչելով ամերիկյան վարչակազմի ներկայացուցչին, հայտնել է, որ Բայդենը մտադիր է առաջիկա օրերին ներկայացնել Գազայի հատվածում հրադադարի համաձայնագրի վերջնական տարբերակը։
Սպասվում է, որ Իսրայելը և ՀԱՄԱՍ-ը մեկ շաբաթ ժամանակ կունենան ԱՄՆ-ի նոր առաջարկին արձագանքելու համար։