2 րոպեի ընթերցում
Ժամը 09:30-ին Double Tree by Hilton հյուրանոցում «Իմ քայլը» բարեգործական հիմնադրամի նախաձեռնությամբ և ՀՀ աշխատանքի և սոցիալական հարցերի նախարարության գործակցությամբ սեպտեմբերի 1-2-ը կանցկացվի միջազգային համաժողով «Հաշմանդամություն ունեցող անձանց ծառայությունների հասանելիություն/փորձի փոխանակում» խորագրով:
Ժամը 10:00-ին Անի Պլազա հյուրանոցում (Սայաթ Նովա 19) կմեկնարկի Բույսերի պաշտպանության միջազգային կոնվենցիայի տարածաշրջանային համաժողովը, որն այս տարի անցկացվում է Երևանում: Համաժողովին մասնակցում են ոլորտի մասնագետներ և պաշտոնատար անձինք աշխարհի 27 երկրներից:
Ժամը 10:00-ին ԱԺ Ֆինանսավարկային եւ բյուջետային հարցերի մշտական հանձնաժողովի նիստը կգումարվի 114 սրահում:
Ժամը 15:00-ին ԱԺ Տարածաշրջանային եւ եվրասիական ինտեգրման հարցերի մշտական հանձնաժողովի նիստը տեղի կունենա 214 սրահում:
Ժամը 17:00-ին ԳԱԿ Պատկերասրահում (հասցե՝ Աբովյան 13)կբացվի «Փարաջանով 100» ցուցահանդեսը: Այն ամփոփումն է Սերգեյ Փարաջանովի
100-ամյակին նվիրված լայնածավալ նախագծի, որը Հենրիկ Իգիթյանի անվան
Գեղագիտության ազգային կենտրոնն իրականացնում է ՀՀ ԿԳՄՍ նախարարության
աջակցությամբ: Մի քանի ամիս շարունակ ԳԱԿ երևանյան և մարզային բոլոր
ստորաբաժանումների կերպարվեստի արվեստանոցների սաները ճանաչողական և
գործնական հետաքրքիր ճանապարհ են անցել: Սերգեյ Փարաջանովի թանգարանում
նրանք ծանոթացել են վարպետի կյանքին ու ստեղծագործությանը, այնուհետև, այդ
ամենով ոգեշնչված, արվեստի տարբեր տեխնիկաներով և ուղղություններով ստեղծել
սեփական աշխատանքները:
Ժամը 18։30-ին Ազգային գրադարանի Մեծ դահլիճում Ծիրանի ծառ» վավերագրական ֆիլմերի միջազգային փառատոնը և Հայաստանում ֆրանսիական ինստիտուտը սիրով հրավիրում են անվանի ֆրանսահայ ռեժիսոր Ժակ Քեբադեանի «20 տարի անց» ֆիլմի դիտմանը և հեղինակի հետ հանդիպմանը։