ՌԴ նախագահը ՀՀ վարչապետին տեղեկացրել է Ադրբեջան կատարած իր այցի տպավորությունների մասին
1 րոպեի ընթերցում
![ՌԴ նախագահը ՀՀ վարչապետին տեղեկացրել է Ադրբեջան կատարած իր այցի տպավորությունների մասին](http://armenpress.am/resized/480/storage/images/articles/2024/08/23/GU6Mfu56sXbcUQqvyB2pIEHiqyuH5TsiqmTfSxOS.webp)
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ։ Տեղի է ունեցել ՀՀ վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ։
Ինչպես «Արմենպրես»-ը տեղեկանում է Հայաստանի վարչապետի աշխատակազմի տարածած հաղորդագրությունից, ՌԴ նախագահը ՀՀ վարչապետին տեղեկացրել է նախորդ շաբաթ Ադրբեջան կատարած իր այցի տպավորությունների մասին, ինչի համար վարչապետ Փաշինյանը շնորհակալություն է հայտնել նախագահ Պուտինին։
Զրուցակիցները պայմանավորվել են առաջիկա պատեհ առիթով հանդիպել Հայաստան-Ռուսաստան երկկողմ օրակարգի հարցեր քննարկելու համար։