Օդում փոշու աղտոտվածության մակարդակն աստիճանաբար նվազում է. Երևանի քաղաքապետարան
1 րոպեի ընթերցում
![Օդում փոշու աղտոտվածության մակարդակն աստիճանաբար նվազում է. Երևանի քաղաքապետարան](http://armenpress.am/resized/480/storage/images/articles/2024/08/07/sFsB9GTIVTCI0LAvBEV5vwOlca3fHvv1nQvhVl0o.webp)
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Մայրաքաղաքում օդի՝ փոշով աղտոտվածության մակարդակը նվազեցնելու նպատակով իրականացվում են մի շարք կանխարգելիչ միջոցառումներ:
«Արմենպրես»-ի փոխանցմամբ՝ այս մասին հայտնում են Երևանի քաղաքապետարանից, նշելով, որ նախորդ տարվա սեպտեմբերի 1-ից, ավագանու որոշմամբ, շինհրապարակներում օդի որակը դիտարկող սենսորային սարքերի առկայությունը պարտադիր է դարձել:
Փոշու արտանետումը բացառող սարքերի, ավազի կույտերը ծածկող անթափանց թաղանթի բացակայության պարագայում կառուցապատող ընկերությունները կտուգանվեն:
Օդի որակը դիտարկող սարքերով արձանագրված տվյալներին հնարավոր է հետևել նաև Երևանի քաղաքապետարանի պաշտոնական կայքով. առցանց հարթակը հնարավորություն է տալիս դիտարկել ողջ քաղաքի փոշու աղտոտվածության մակարդակը: