Բաբայան փողոցը մեկ ամիս փակ է լինելու
1 րոպեի ընթերցում
![Բաբայան փողոցը մեկ ամիս փակ է լինելու](http://armenpress.am/resized/480/storage/images/articles/2024/07/26/rsEfv5PIj8CKI2LawjJvYjxEEOWJR5lBTPkhW34p.webp)
ԵՐԵՎԱՆ,26 ՀՈՒԼԻՍԻ, ԱՐՄԵՆՊՐԵՍ։ Ճանապարհաշինարարական աշխատանքներով պայմանավորված Երևանում Բաբայան փողոց տանող մի շարք ճանապարհներ փակ կլինեն: «Արմենպրես»-ի փոխանցմամբ՝ այս մասին նշված է Երևանի քաղաքապետարանի տարածած հաղորդագրության մեջ:
«Հուլիսի 26-ից մինչև օգոստոսի 26-ը ժամը 23:00-08:00-ն, 1-ին փուլով փակ է լինելու Բաբայան փողոցի՝ Բաբայան փ. - Ազատության պ. խաչմերուկից մինչև Բաբայան փ. - Ուլնեցու փ. խաչմերուկ եղած ճանապարհահատվածը, իսկ 2-րդ փուլով միակողմանի փակ է լինելու Բաբայան փողոցի՝ Բաբայան փ. - Ազատության պ. խաչմերուկից դեպի Ռիգայի փողոց տանող ճանապարհահատվածը, որտեղ երթևեկությունն իրականացվելու է հանդիպակաց ուղղություն երթևեկելի մեկ գոտու հաշվին»,- նշված է հաղորդագրության մեջ:
Քաղաքապետարանից հորդորում են վարորդներին աշխատանքի արդյունավետության ապահովման համար տրանսպորտային միջոցները չկայանել վերոնշյալ ճանապարհահատվածի երթևեկելի մասում: