Ջեյմս Բոնդի դերակատար Ջորջ Լազենբին հայտարարել է կարիերան ավարտելու մասին
1 րոպեի ընթերցում
![Ջեյմս Բոնդի դերակատար Ջորջ Լազենբին հայտարարել է կարիերան ավարտելու մասին](http://armenpress.am/resized/480/storage/images/articles/2024/07/25/BUqhDIUFofAKkhzHflSfE0AUfE7QLFThOSAZ9U7R.webp)
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ։ Ավստրալացի դերասան Ջորջ Լազենբին, ով խաղացել է Ջեյմս Բոնդի դերը «Նորին մեծության գաղտնի ծառայության մասին» ֆիլմում, 84 տարեկանում հայտարարել է կինոդերասանի կարիերան ավարտելու մասին։
«Արմենպրես»-ի փոխանցմամբ՝ այս մասին կինոդերասանը նշել է X-ի իր միկրոբլոգում կատարած գրառման մեջ։
«Սա հեշտ որոշում չէր, բայց ժամանակն է հայտարարել աշխատանքից հեռանալու մասին: Հետևաբար, ես այսօրվանից այլևս չեմ զբաղվի դերասանությամբ կամ հրապարակային ելույթներով, հարցազրույցներով կամ ինքնագրեր ստորագրելով: Զվարճալի զբոսանք էր, բայց ծերանալը…», - գրել է Լազենբին։