2 րոպեի ընթերցում
ԱՆՈՆՍ
24 հուլիս, 2024
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ կրթության, գիտության, մշակույթի և սպորտի նախարարության ժամանակակից արվեստի վարչության պետ Սվետլանա Սահակյանի, Երևանի քաղաքապետարանի մշակույթի և տուրիզմի վարչության պետի տեղակալ Գևորգ Սահակյանի, Երևանի կարճամետրաժ ֆիլմերի միջազգային կինոփառատոնի տնօրեն Գուժ Թադևոսյանի ասուլիսը։ Թեմա․ մեկնարկում է Երևանի կարճամետրաժ ֆիլմերի 7-րդ միջազգային կինոփառատոնը։
Ժամը 14:30-ին Երևանի քաղաքապետարանում Երևանի քաղաքապետ Տիգրան Ավինյանը հանդես կգա ասուլիսով: Կարեն, Հայկ Բադալյան, Հայկ Հարությունյան, Հովհաննես Մկրտչյան
Մամուլի ակումբներ
Ժամը 12:00-ին Մեդիա կենտրոնում տեղի կունենա քննարկում՝ «Քաղաքական հետապնդումների պատճառով Հայաստանում ապաստանած օտարերկրյա քաղաքացիների իրավունքների վիճակը» թեմայով։ Բանախոսներ՝ Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունց, Հելսինկյան քաղաքացիական ասամբլեայի Վանաձորի գրասենյակի փաստաբան Անի Չատինյան:
Մշակույթ
Ժամը 14:00-ին Ազգային գրադարանում (Տերյան 72) կնշվի հայ բանաստեղծ Զահրատի 100 ամյակը։ Հանրային դասախոսությամբ հանդես կգա արվեստաբան, գրականագետ Երվանդ Տեր-Խաչատրյանը։ Գրադարանում կծանոթանաք նաև Զահրատի ստեղծագործություններին նվիրված ցուցադրությանը։