Առաջիկայում Չինաստանից Երևան կուղևորվեն 171 նոր ավտոբուսները
1 րոպեի ընթերցում
![Առաջիկայում Չինաստանից Երևան կուղևորվեն 171 նոր ավտոբուսները](http://armenpress.am/resized/480/storage/images/articles/2024/07/11/OadKGIZubpAutOQIovnXJA7hfeBo9z5ezoZ5Y5wo.webp)
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ։ Առաջիկայում Չինաստանից Երևան կուղևորվեն 171 նոր ավտոբուսները, որոնք կնպաստեն Երևանի տրանսպորտային համակարգի բարելավմանը և կթեթևացնեն հանրային տրանսպորտի բեռնվածությունը։ «Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է Երևանի քաղաքապետ Տիգրան Ավինյանը։
«Մենք շարունակում ենք կյանքի կոչել երևանցիների համար առավել հարմարավետ ու հասանելի քաղաք ստեղծելու մեր քաղաքականությունը:
Առաջիկայում Չինաստանից Երևան կուղևորվեն 171 նոր ավտոբուսները՝ ապահովելով ավելի հարմարավետ ու հուսալի փոխադրումներ:
Այս նոր ավտոբուսները կնպաստեն տրանսպորտային համակարգի բարելավմանը և կթեթևացնեն հանրային տրանսպորտի բեռնվածությունը»,- գրել է Երևանի քաղաքապետը:
Ավինյանը գրառմանը կից նաև տեսանյութ է հրապարակել։