2 րոպեի ընթերցում
ԱՆՈՆՍ
01 հուլիս, 2024
Պետական կառույցներ
9։00-ին Երևանի քաղաքապետարանում տեղի կունենա գործակարգավարական խորհրդակցություն
ԲՈՒՀ-եր, կրթական հաստատություններ
16:00-ին Խաչատուր Աբովյանի անվան հայկական պետական մանկավարժական համալսարանում (Տիգրան Մեծի պող., 17 շենք) տեղի կունենա Սփյուռքում գործող հայկական ուսումնական հաստատություններում դասավանդող ուսուցիչների վերապատրաստման ծրագրի բացումը: Ողջույնի խոսքով հանդես կգա ԿԳՄՍ նախարար Ժաննա Անդրեասյանը, որին կհաջորդի ուսուցիչների հետ հարցուպատասխանը: Ծրագրի շրջանակում 60 սփյուռքահայ ուսուցիչներ 14 երկրներից կմասնակցեն ԿԳՄՍ նախարարության կողմից իրականացվող վերապատրաստման մեկամսյա դասընթացներին, որոնք կանցկացվեն 7 ծրագրերով: Դասընթացները բարեհաջող ավարտած ուսուցիչները նախարարության կողմից կստանան վկայագրեր: ԿԳՄՍՆ
Մշակույթ
19:00-ին Իգիթյանի անվան կենտրոնում (Աբովյան 13) կկայանա նկարիչ, քանդակագործ Գագիկ Սարկիսյանի՝ SarGiz-ի անհատական ցուցահանդեսի պաշտոնական բացումը։ Ցուցահանդեսի ընթացքում արվեստասերները հնարավորություն կունենան դիտել երջանկահիշատակ արվեստագետի մի քանի տասնյակ աշխատանքներ։ Իրադարձության նախաձեռնությունը Սարկիսյանի ընտանիքինն է։ Ցուցահանդեսի մուտքն ազատ է։ Այն կտևի մինչև հուլիսի 4-ը։