2 րոպեի ընթերցում
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 10:30-ին ՀՀ ԳԱԱ նախագահության կլոր դահլիճում ՀՀ ԳԱԱ արեւելագիտության ինստիտուտը կազմակերպել է միջազգային գիտաժողով՝ Հայաստան-Չինաստան մշակութային երկխոսություն: Ներկա կլինի ՀՀ-ում ՉԺՀ դեսպանը:
Ժամը 13:00-ին ԵՊՀ գիտական խորհրդի նիստերի դահլիճում (Ալեք Մանուկյան 1, գլխավոր մասնաշենք, 5-րդ հարկ) տեղի կունենա «Հայաստան-Գերմանիա գիտության օր» խորագրով երկօրյա միջոցառման բացումը: Միջոցառումը կազմակերպվել է ՀՀ ԿԳՄՍՆ Բարձրագույն կրթության և գիտության կոմիտեի ու Գերմանիայի կրթության և հետազոտությունների դաշնային նախարարության համատեղ նախաձեռնությամբ: Միջոցառմանը բացման խոսքով հանդես կգան ՀՀ ԿԳՄՍՆ Բարձրագույն կրթության և գիտության կոմիտեի նախագահ Սարգիս Հայոցյանը, ԵՊՀ գիտական հարցերի գծով պրոռեկտոր Ռաֆայել Բարխուդարյանը, Հայաստանում Գերմանիայի փոխդեսպան Էրիկ Թինտրուպը և Գերմանիայի կրթության և հետազոտությունների դաշնային նախարարության՝ Արևելյան Եվրոպայի, Հարավային Կովկասի, Կենտրոնական Ասիայի երկրների հետ համագործակցության գծով վարչության պետ Ֆլորիան Ֆրանկը: Միջոցառմանը մասնակցելու նպատակով Գերմանիայի կրթության և հետազոտությունների դաշնային նախարարության պատվիրակության հետ Հայաստան են ժամանելու նաև ԳԴՀ-ում գործող մի շարք անվանի գիտական կազմակերպությունների և հիմնադրամների ներկայացուցիչներ: ՀՀ ԿԳՄՍՆ:
Ժամը 18:00-ին Հայաստանի նկարիչների միությունում տեղի կունենա «Արմենպրես»-ի արխիվային բացառիկ լուսանկարների՝ «Դարի վավերագրություն» խորագրով ցուցադրության բացման պաշտոնական արարողությունը, որին կմասնակցի ԿԳՄՍ նախարար Ժաննա Անդրեասյանը: Նախատեսվում է նախարարի ելույթը: Կկայանա նաև մեր նոր կայքի շնորհանդեսը: Կներկայացվի, թե կայքը ինչ նոր թվային գործիքներ է ընձեռում մեր գործընկերներին, ընթերցողներին: Ցուցադրություն մուտքը՝ 17:00-ից:
Կուսակցություններ, ՀԿ-ներ, միջազգային կազմ-ներ
Ժամը 20:00-ին Սուրբ Աննա եկեղեցու բակում հանդիպում «Տավուշը հանուն հայրենիքի» շարժման առաջնորդի հետ։