6 րոպեի ընթերցում
Պետական կառույցներ
Ժամը 09:00-ին «Դվին» հյուրանոցում (Seven Visions, Պարոնյան 40) կկայանա Տնտեսական համագործակցության և զարգացման կազմակերպության (ՏՀԶԿ) գլոբալ ֆորումի Ասիական նախաձեռնության 6-րդ բարձրաստիճան հանդիպումը։ ՊԵԿ
Ժամը 13:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա Արենիում զբոսաշրջության զարգացման ծրագրի համակարգող Սյուզան Մարգարյանի, Արենիի համայնքապետարանի աշխատակազմի առաջատար մասնագետ Արմինե Վարդանյանի ասուլիսը։ Թեմա. Արենի համայնքը ներկայանում է նոր զբոսաշրջության պրոդուկտով․ հունիսի 29-ին կանցկացվի «Տադի շորվա» մշակութային փառատոն:
Կուսակցություններ, ՀԿ-ներ, միջազգային կազմակերպութներ
Ժամը 10:00-ին «Անի պլազա» բիզնես կենտրոնում կկայանա հայ-վրացական գործարար-համաժողով:
Ժամը 14:00-ին Հայաստանի ազգային գրադարանում /Տերյան 72/
«ԱՄՔՈՐ Հայաստան» բարեգործական հիմնադրամը Հայաստանի ազգային գրադարանի հետ համագործակցության շրջանակում կազմակերպում է դասընթաց՝ «Կիբեր-թրաֆիքինգ և կիբերանվտանգություն» թեմայով: Դասընթացը կվարեն Հայաստանում թրաֆիքինգի դեմ պայքարի փորձագետ Վիկտորիա Ավակովան և ՏՏ անվտանգության մասնագետ, մեդիա փորձագետ Սամվել Մարտիրոսյանը: Հանդիպման արդյունքում ձեռք բերված գիտելիքները թույլ կտան ճանաչել Ձեր իսկ իրավունքները և լինել ավելի պաշտպանված կյանքի առցանց և անցանց (օֆլայն) հարթակներում:
Ժամը 14:30-ին «Դաբլթրի Բայ Հիլթոն» հյուրանոցի «Փարիզ» սրահում (Գրիգոր Լուսավորչի փող. 4/2) կկայանա Իրազեկ քաղաքացիների միավորման և «Ռեստարտ» գիտակրթական հիմնադրամի կողմից կազմակերպվող «Երիտասարդների ներգրավումը ՀՀարտաքին քաղաքական գործընթացներին» խորագրով պանելային քննարկում։
Ժամը 16:00-ին Երևանի Հովհաննես Թումանյանի անվան պետական տիկնիկային թատրոնի մեծ դահլիճում /Սայաթ-Նովա 4/
Նիդերլանդների բազմակուսակցական ժողովրդավարության ինստիտուտը (NIMD) և ՕքսԵՋեն հիմնադրամը հրավիրում են լուսաբանելու «Բազմակուսակցական ժողովրդավարության հայկական ակադեմիա» ծրագրի ավարտական միջոցառումը: Ծրագիրը ֆինանսավորվում է Նիդերլանդների կառավարության կողմից։ Ավարտական միջոցառման ընթացքում կներկայացվեն ծրագրի վերջնական արդյունքները, տեղի կունենա ավարտական վկայականների հանձման պաշտոնական արարողություն, ելույթ կունենան Ակադեմիայի շրջանավարտները և կցուցադրվի «Հանդիպում 100 տարի անց» ներկայացումը: Միջոցառմանը հրավիրված են ՀՀ-ում հավատարմագրված դեսպանությունների, երիտասարդական կազմակերպությունների, քաղաքական կուսակցությունների ներկայացուցիչներ, քաղաքականություն մշակողներ, որոշում կայացնողներ, երիտասարդներ, հետազոտողներ և ոլորտին առնչվող այլ փորձագետներ։ Միջոցառման պաշտոնական լեզուն հայերենն է՝ անգլերեն համաժամանակյա թարգմանությամբ։
Ժամը 18:30-ին «Իմ Քայլը» հիմնադրամի գրասենյակում (Տերյան 1/1, բն.5)
տեղի կունենա «Իմ Քայլը» հիմնադրամի «Հաջողակ կին գործարարների աջակցությունը սկսնակ կին գործարարներին» նախաձեռնության շրջանակում հայտարարված դրամաշնորհային հայտերի ուսումնասիրման համար ստեղծված աշխատանքային խմբի ամփոփիչ նիստը: Ամփոփիչ նիստի ընթացքում գնահատականների համադրման արդյունքում առավելագույն միավորներ հավաքած 42 հայտերը կճանաչվեն հաղթողներ, որոնց կտրամադրվի 1-ական մլն ՀՀ դրամ ֆինանսական աջակցությունը բիզնեսն ընդլայնելու նպատակով:
ԲՈՒՀ-եր, կրթական հաստատություններ
Ժամը 16:00-ին Արմենիա Մարիոթ հյուրանոցի Տիգրան Մեծ շքասրահում
տեղի կունենա «Մասնագիտական կրթության և ուսուցման (ՄԿՈՒ) մասին» նոր օրենքի պաշտոնական ներկայացումը։
Մամուլի ակումբներ
Ժամը 12:00-ին Մեդիա կենտրոնում տեղի կունենա մամուլի ասուլիս՝ «Բազմակուսակցական ժողովրդավարության հայկական ակադեմիա. նպաստելով երիտասարդների քաղաքական մասնակցությանը և առաջնորդությանը» թեմայով: Բանախոսներ՝ Հայաստանում Նիդերլանդների Թագավորության դեսպանության քաղաքական և տնտեսական հարցերով պատասխանատու Լարիսա Հարությունյան, Նիդերլանդների բազմակուսակցական ժողովրդավարության ինստիտուտի Հայաստանի ներկայացուցիչ Արմեն Սահակյան, ՕքսԵՋեն հիմնադրամի գործադիր տնօրեն Մարգարիտա Հակոբյան, Բազմակուսակցական ժողովրդավարության հայկական ակադեմիայի շրջանավարտ Արևիկ Նավոյան:
Մշակույթ
Ժամը 13:00-ին Երևանում «Դոմ Մոսկվի» կենտրոնում (Արգիշտիի 7)
տեղի կունենա ռուսական մշակույթը, լեզուն և պատմությունը ներկայացնող «Ռուսաստանի հմայքը» յուրօրինակ իմերսիվ ցուցահանդեսի հանդիսավոր բացումը։ Դուք կտեսնեք 360 աստիճանի ինստալացիա Ռուսաստանի պատմության և մշակույթի մասին, ինչպես նաև կծանոթանաք ռուսական հեքիաթներին VR սաղավարտի միջոցով: Ցուցահանդեսի շրջանակներում նաև հնարավորություն կունենան մասնակցելու վարպետության դասերի: 374 91 366 639:
Ժամը 11:00-13:00 Կոնդի Սուրբ Հովհաննես եկեղեցում տեղի կունենա Լալա Մնացականյանի վերջին հրաժեշտը: